17:31, 18 - اقپان 2019 | GMT +6
يراننىڭ وڭتۇستىگىندە 19 توننا ەسىرتكى تاركىلەندى
بۋشەر. قازاقپارات - بۋشەر پروۆينتسياسىنىڭ ەسىركىگە قارسى كۇرەس كەڭەسىنىڭ باس حاتشىسى اراستۋ توركامانمانەش وسى جىلدىڭ باسىندا اتالمىش پروۆينسيادا 19 توننا 640 كەلى ەسىرتكى تاركىلەنگەنىن مالىمدەدى، دەپ حابارلايدى يرنا.
«ەسىرتكى كولەمى وتكەن جىلدىڭ وسى كەزەڭىمەن سالىستىرعاندا %20 عا ارتقان» ، - دەپ مالىمدەدى ول.
«تەڭىز ارقىلى ەسىرتكى تاسىمالداۋعا توقتالار بولساق، قۇقىق قورعاۋ ورگاندارى قىزمەتكەرلەرىنىڭ، يسلام ريەۆوليۋتسياسى ساقشىلارى كورپۋسى كۇشتەرىنىڭ قىراعىلىعىنىڭ ارقاسىندا بۋشەر پروۆينتسياسىندا تەڭىز ارقىلى تاسىمالدانعان ەسىرتكى اينالىمىنىڭ 14 توننا 425 كەلىسى تاركىلەنگەن» ، - دەدى ول.
يران پوليسياسى جىل سايىن وپيۋمنىڭ الەمدىك اينالىمىنىڭ - 80, گەروين مەن مورفيننىڭ 40 پايىزىن تاركىلەۋدە.