قاتەرلى ىسىكتى جەڭگەن 19 جاسار فۋتبولشى استانانىڭ ەڭ ۇزدىك وتباسىنا اينالدى

None
None
استانا. قازاقپارات - وقۋشىلار سارايىندا «ۇزدىك جاس وتباسى» بايقاۋىنىڭ سالتاناتتى سوڭعى كەزەڭى ءوتتى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساي وتىرىپ.

70 ءوتىنىمنىڭ ىشىنەن ىرىكتەلىپ الىنعان استانانىڭ ۇزدىك 10 وتباسى وقۋشىلار سارايىنىڭ ساحناسىندا ءوز ونەرلەرىن كورسەتىپ، كورەرمەندەر مەن قازىلار القاسىنا وتباسىلىق ۇيىمشىلدىعىن، ماحاببات، دوستىق جانە ءوزارا تۇسىنىستىكتەرىن دالەلدەدى.

شەشۋشى كەزەڭنىڭ قورىتىندىسى بويىنشا ازات پەن ءاليا جۇماعۇلوۆتار ۇزدىك جاس وتباسى دەپ تانىلدى. 2-ورىندى ەرگەن مەن گاۋحار كەنجەعۇلوۆتار يەلەنسە، 3-ورىن باحتيار مەن شاديار مۇحامەتقاليەۆتەرگە بۇيىردى.

«مەنىڭ ويىمشا، وسى تەكتەس شارالار وتباسىنىڭ ۇيىمشىلدىعىن ارتتىرادى. ءبىز ءۇشىن كۇتپەگەن جەڭىس بولدى. شىنىمدى ايتسام، ءوتىنىمدى سوڭعى مەزەتتە بەردىك. وتە قۋانىشتىمىز! بۇل سايىستان كەيىن ءبىر-ءبىرىمىزدى بۇرىنعىدان جاقسىراق تۇسىنەتىندەيمىز»، - دەپ اعىنان جارىلدى جەڭىمپازدار وتباسى.

فيناليستەردىڭ قاتارىندا - «استانا» فق بۇرىنعى تاربيەلەنۋشىسى باحتيار مۇحامبەتقاليەۆ، «ۇلتتىق ۇلان» وركەسترىنىڭ اعا مۋزىكانتى ايدوس قودىعانوۆ، ۇلتتىق نەيروحيرۋرگيا ورتالىعىنىڭ دارىگەرى ەرگەن كەنجەعۇلوۆ بار.

«ءبىزدىڭ باستى ماقساتىمىز - جاس وتباسىلارعا قانداي جاعداي بولماسىن بىرگە بولۋ جانە ءبىر-ءبىرىن جاقسى كورۋ كەرەك ەكەنىن كورسەتۋ. سەبەبى، ءبىزدىڭ وتباسىمىزدىڭ باسىنان وتكەن جاعدايلاردى، ءتىپتى، دۇشپانىڭا دا تىلەمەيسىڭ»، - دەپ ءبولىستى بايقاۋعا قاتىسۋدان العان اسەرىمەن اياعىنان ايرىلىپ، قاتەرلى ىسىكتى جەڭگەن 19 جاسار فۋتبولشى باحتيار مۇحامبەتقاليەۆ.

«ۇزدىك جاس وتباسى» سايىسى ناعىز وتباسىلىق مەرەكەگە اينالدى.

سايىستىڭ جۇلدە قورى 800 مىڭ تەڭگەنى قۇرادى، اتالمىش سوما سوڭعى كەزەڭگە وتكەن قاتىسۋشىلارعا ۇلەستىرىلدى: 1-ورىن يەگەرلەرىنە - 200 مىڭ تەڭگە، 2-ورىن - 150 مىڭ تەڭگە، 3-ورىنعا - 100 مىڭ تەڭگە جانە جۇلدەلى ورىن الماعان وتباسىلارعا 50 مىڭنان ىنتالاندىرۋ سىيلىقتارى.

سوڭعى جاڭالىقتار