ت م د ارۋى: استاناعا ون ەلدەن 19 قاتىسۋشى كەلدى

None
None
استانا. قازاقپارات - استاناعا تاۋەلسىز مەملەكەتتەر دوستاستىعىنىڭ ارۋى اتاعى ءۇشىن باسەكەلەسۋگە 10 ەلدەن 18 جاستان 27 جاس ارالىعىنداعى 19 قاتىسۋشى جينالدى، دەپ حابارلايدى قازاقپارات ءتىلشىسى.

شارانى ءۇيىمداستىرۋشىلاردىڭ بەرگەن مالىمەتتەرىنە سۇيەنسەك، بايقاۋ وتكىزىلىپ كەلە جاتقان ۋاقىت ىشىندە (22 جىلدا) العاش رەت استانادا ۇيىمداستىرىلۋدا جانە ول ەلوردانىڭ 20 جىلدىعىنا ورايلاستىرىلعان.

بايقاۋدىڭ ماقساتى - قاتىسۋشى ەلدەر اراسىندا تۋريزم مەن مادەنيەتتى دامىتۋ.

كونكۋرستا ءوز ەلىن تانىستىرىپ، قۇرمەت كورسەتۋ ءۇشىن قاتىسۋشىلار بىرنەشە كەزەڭنەن تۇراتىن كەشەندى ىرىكتەۋدەن ءوتتى.

ТМÐ

قاتىسۋشىلار اقتىق سايىسقا بىرنەشە كۇن قالعان كەزدە استانادا جينالىپ وتىر. وسى ۋاقىت ارالىعىندا ولار قازاق حالقىنىڭ سالت-داستۇرلەرى مەن ادەت-عۇرىپتارىمەن تانىسادى، سونداي-اق استانانىڭ كورىكتى جەرلەرىن ارالاپ، مەرەيتويلىق مەرەكەلەر مەن قايىرىمدىلىق شارالارعا قاتىسادى.

ناقتىراق ايتقاندا، بايقاۋعا قاتىسۋشىلار «نۇرلى جۇرەك» پسيحونيەۆرولويالىق ديسپانسەردە، بۋراباي كۋرورتتىق ايماعىندا بولىپ ۇلگەردى. الداعى كۇندەرى «استانا-ارەنا» ستاديونىنداعى جولداستىق ماتچقا، ارمەنيا ەلشىلىگندە ۇيىمداستىرىلداتىن قابىلداۋ كەشكە قاتىسادى. ەستەرىڭىزگە سالا كەتەيىك، 2017-جىلى «ت م د ارۋى» بايقاۋى ارمەنيا استاناسى ەريەۆاندا ءوتتى. ال 27- شىلدە ساعات 19.00 دە «كازمەديا ورتالىعى» كينوكونسەرت زالىنىڭ ساحناسىندا بايقاۋدىڭ اقتىق مارەسى وتەدى.

ТМÐ

بايقاۋعا قاتىسۋشىلار ءوز ۇلتتىق كيىمدەرىن، سونداي-اق كەشكى كويلەكتەرىن بار ءسان-سالتاناتىمەن كيىپ شىعادى. ەكسكليۋزيۆتى شوۋ باعدارلاماعا سونىمەن قاتار الەمدىك ساحنا جۇلدىزى، دارىندى سۋرەتشىلەر مەن كورنەكتى ديزاينەرلەر قاتىسادى.

بايقاۋعا قاتىسۋشىلار ءۇشىن وتكىزىلىپ وتىرعان شارا - الەمگە ايگىلى مودەلدىك اگەنتتىكتەرمەن، وندىرىستىك ورتالىقتار مەن رەجيسسەرلەرمەن ىنتىماقتاستىق ورناتۋ ءۇشىن ۇلكەن مۇمكىندىك.

ايتا كەتسەك، «ميسس ت م د» بايقاۋى 1996-جىلدان باستاپ جىل سايىن وتكىزىلىپ كەلەدى. «ت م د ارۋى-2018» بايقاۋى «ت م د ارۋى» حالىقارالىق بايقاۋىنىڭ باس ديرەكتورى جانە نەگىزىن قالاۋشىسى نايري مناتساكانيان مەن «Velada حالىقارالىق مودەل اگەنتتىگىنىڭ تىكەلەي قولداۋىمەن وتكىزىلىپ وتىر.

اۆتور: كۇنسۇلتان وتارباي

 

سوڭعى جاڭالىقتار