سينوپتيكتەردىڭ 19- شىلدە كۇنگى اۋا رايى بولجامى
كەي جەرلەردە جاڭبىر جاۋىپ، نايزاعاي جارقىلدايدى، بۇرشاق جاۋۋى ىقتيمال، دەپ حابارلايدى قازگيدرومەت.
رەسپۋبليكا بويىنشا كەي جەرلەردە جەل كۇشەيىپ، شاڭدى داۋىل سوعادى، سولتۇستىكتە تۇندە جانە تاڭەرتەڭ تۇمان تۇسەدى.
جامبىل، تۇركىستان، كۇندىز قىزىلوردا وبلىستارىنىڭ كەي جەرلەرىندە جەلدىڭ 15-20 م/س كۇشەيىپ، شاڭدى داۋىلعا ۇلاسۋى ىقتيمال.
اقمولا، سولتۇستىك قازاقستان، قاراعاندى وبلىستارىنىڭ كەي جەرلەرىندە تۇندە جانە تاڭەرتەڭ - تۇمان، كۇندىز قاراعاندى وبلىسىنىڭ كەي جەرلەرىندە جەلدىڭ 18 م/س كۇشەيۋى كۇتىلەدى. شىعىس قازاقستان وبلىسىنىڭ كەي جەرلەرىندە جەل 15-20 م/س، كۇندىز بۇرشاق جاۋۋى ىقتيمال.
ماڭعىستاۋ، تۇندە باتىس قازاقستان، اقتوبە، كۇندىز قوستاناي وبلىستارىنىڭ كەي جەرلەرىندە جەلدىڭ 15-20 م/س كۇشەيۋى كۇتىلەدى. جامبىل، قىزىلوردا، ماڭعىستاۋ، اتىراۋ، باتىس قازاقستان وبلىستارىنىڭ باسىم بولىگىندە، تۇركىستان، قوستاناي، قاراعاندى وبلىستارىنىڭ كەي جەرلەرىندە اپتاپ ىستىق ساقتالادى.
ماڭعىستاۋ وبلىسىندا، قىزىلوردا، تۇركىستان، اتىراۋ وبلىستارىنىڭ باسىم بولىگىندە، باتىس قازاقستان، ، اقتوبە، جامبىل وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.