رەسەي اۆتوموبيلدى 1990-جىلدارداعى نورمامەن شىعارۋعا رۇقسات بەردى
18 مامىر 14:22

رەسەي اۆتوموبيلدى 1990-جىلدارداعى نورمامەن شىعارۋعا رۇقسات بەردى

نۇر- سۇلتان. قازاقپارات – رەسەي ۇكىمەتى اۆتوموبيلدى 1990 -جىلداردىڭ باس كەزىندەگى نورما بويىنشا شىعارۋعا رۇقسات بەردى. مۇنان بىلاي جاڭا ماشينەلەردە قاۋىپسىزدىك جاستىعى بولۋى مىندەتتى ەمەس.

قاۋىپسىزدىك بەلبەۋى «ەۋرو» ەكولوگيالىق نورمالارىنا ساي كەلمەسە دە بولا بەرەدى. قاۋلى قۇقىقتىق اقپارات رەسمي پورتالىندا جاريالاندى.

مۇنان بىلاي اۆتوموبيلدەردى ABS انتيبلوك جۇيەسىنسىز جانە اۆتوموبيل تۇراقتىلىعىن باقىلاۋعا ارنالعان ESP جۇيەسىنسىز شىعارا بەرۋگە رۇقسات بار. اپات بولعان جاعدايدا شۇعىل بەلگى بەرەتىن «ەرا- گلوناسس» جۇيەسىن قوسپاسا دا بولادى.

بۇل وزگەرىستەر رەسەي ەكونوميكاسىنا سالىنعان سانكسياعا جانە ميكروچيپتەردىڭ تاپشىلىعىنا بايلانىستى جاسالعان.

اۆتوموبيلدەرگە قويىلاتىن تەحنيكالىق تالاپتاردىڭ كوبى 2000 -جىلداردىڭ باس كەزىندە رەسەيگە باتىستىڭ ءىرى اۆتووندىرىسى كەلگەن كەزدە پايدا بولعان.

ولاردىڭ كوپشىلىگى رەسەي ۋكرايناعا باسىپ كىرگەن سوڭ كەتىپ قالعان.

گەرمانيانىڭ BMW ماشينەسىن قۇراستىراتىن «اۆتوتور»، سانكت- پەتەربۋرگتەگى Hyundai مەن Toyota جانە Volkswagen كومپانياسىنىڭ ەكى زاۋىتى توقتاپ قالعان. ماسكەۋدەگى Renault زاۋىتى مەن اۆتوۆاز- دىڭ باقىلاۋ پاكەتى مەملەكەتكە ەكى رۋبلگە ساتىلعان. مۇنان وزگە دە اۆتوبولشەك شىعاراتىن زاۋىتتار جۇمىسى توقتاعان.

https://www.azattyq.org

سونداي-اق... وقىڭىز

جاڭالىقتار