سولتۇستىك قازاقستاندا ەر ازامات 1974 -جىلعى تولقۇجاتپەن جۇرگەن
پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، ماسەلەلەردىڭ كوپشىلىگى ميگراتسيالىق قىزمەت جۇمىسىمەن بايلانىستى بولعان. سونداي-اق جەرگىلىكتى تۇرعىنداردىڭ ءبىرى كومەك سۇراپ كەلگەن. ونىڭ 3-4 جىل بۇرىن ءۇيى ورتەنىپ، قۇجاتتارىنىڭ بارلىعى جانىپ كەتكەن. قۇجاتتارىنىڭ ىشىندە جەكە كۋالىگى، ەڭبەك كىتاپشاسى، اسكەري بيلەتى بولعان.
ال قازىرگى تاڭدا ونىڭ جەكە باسىن راستايتىن 1974 -جىلعى پاسپورتى عانا بار. ال ونى تىركەۋ ءۇشىن پوليتسيا قىزمەتكەرلەرى رەسەيگە سۇراۋ سالدى. شاعىمدانۋشىنى رەسەي ازاماتتىعىنان شىعارتىپ، ونىڭ قۇجاتتارىن از ۋاقىت ىشىندە دايىندادى.
«پەتروپاۆل تۇرعىندارى سونىمەن قاتار كوپقاباتتى ۇيلەردىڭ ماڭىنا رۇقساتسىز ورنالاستىرىلعان قورشاۋلارعا نارازى. جامبىل كوشەسىندەگى پاتەر يەلەرى كووپەراتيۆىنىڭ ءتوراعاسى ناتاليا كليۋيەۆا ءۇي تۇرعىندارىنىڭ ءوز ەرىكتەرىمەن قازىق قاعىپ تاستاپ، ەندى ارنايى كولىكتەردىڭ اۋلاعا كىرۋى قيىنداعان. سونىمەن قاتار ول جول ورتاسىنداعى جولاقتارعا نارازىلىعىن ءبىلدىردى. ويتكەنى ول كولىكتەردىڭ اۋلاعا كىرۋىنە رۇقسات ەتپەيدى. وسىعان بايلانىستى پوليتسيا دەپارتامەنتىنىڭ باستىعى مارات تولەبايەۆ ماسەلەنى رەتتەۋدى اكىمشىلىك پوليتسيا باسقارماسىنىڭ وكىلدەرىنە تاپسىردى»، - دەپ حابارلادى باسپا ءسوز قىزمەتىنىڭ وكىلدەرى.
ال قازىقتارعا بايلانىستى ماسەلەنى پوليتسيا قىزمەتكەرلەرى تۇرعىنداردىڭ جالپى جيىنىنىڭ شەشىمىمەن رەتتەلەتىنىن ەسكە سالدى. ەگەر تۇرعىندار نارازى بولسا، ول زاڭسىز ارەكەت بولىپ تابىلماق. ال ونى شەشۋ ءۇشىن جەر ينسپەكتسياسىنا حابارلاسۋ كەرەك. پوليتسيا قىزمەتكەرلەرىنىڭ ايتۋىنشا، مۇنداي ماسەلەلەر قازىر وتە كوپ. «جولداعى قابىلداۋ» اكسياسى ءار اي سايىن وتكىزىلەدى.
اۋدارما: ايدار وسپاناليەۆ