كوكشەتاۋدىڭ 195 جىلدىعى قالاي تويلانادى
اقمولا وبلىستىق ىشكى ساياسات باسقارماسىنىڭ مالىمەتىنشە، ماۋسىمنىڭ 17 سىنەن باستاپ قالا كۇنىنىڭ ونكۇندىگى باستالىپ، كاسىپورىن جانە ۇيىمداردىڭ قىزمەتكەرلەرىمەن «سۇيىكتى قالاعا 195 تىلەك» چەللەدجى وتۋدە. سونىمەن قاتار، «مەن كوكشەتاۋدى جۇرەگىممەن تىڭدايمىن» تاقىرىبىمەن ساندىك- قولدانبالى ونەر شەبەرلەرىنىڭ كورمەسى، «كوكشەنىڭ باقىتتى پەرزەنتتەرى» ءۇي اۋلالارى كلۋبتارىنىڭ اشىق ەسىك كۇنى، «سۇلۋ كوكشەمە ارنايمىن» شىعارماشىلىق كونسەرتى، «زناتوكي رودنوگو گورودا» كۆەست- ويىن، «كوكشە story: گۇلدەنە بەر كوكشەم، ابىلايدىڭ ارمانى! كىتاپ كورمە- كرۋيزى، كوكشەتاۋ ومىرىنەن سكەتچ ءتارىزدى شارالار وتكىزىلۋدە.
تويدىڭ تۇزدىعى ماۋسىمنىڭ 28-29 - كۇندەرىنە قاراستىرىلىپ وتىر. ماۋسىمنىڭ 28 ىندە «كوكشە CITY» كومپانياسىندا كىشى قاپتار شىعاراتىن سەح ىسكە قوسىلادى جانە «Zerek» جاڭا بالاباقشاسى اشىلادى. سول كۇنى «ارقانىڭ كەربەز سۇلۋ كوكشەتاۋىم» اتتى سالتاناتتى شارا وتەدى. وندا قالا تۇرعىندارى مەن قوناقتارى جەرلەستەرى، تانىمال ءانشى جانە سازگەر نۇرلان ءالىمجانوۆتىڭ كونسەرتىن تاماشالايدى. اقمولا وبلىستىق ورىس دراما تەاترىندا كورەرمەندەرگە تانىمال دراماتۋرگ راقىمجان وتاربايەۆتىڭ «سۇلتان بەيبارس» سپەكتاكلىنىڭ پرەمەراسى ۇسىنىلادى.
مەرەكەنىڭ ەكىنشى كۇنى بيىكتىگى 11 مەتر «دومبىرا» كومپوزيتسياسى اشىلادى. ەسكەرتكىشتىڭ اۆتورى جەرگىلىكتى سۋرەتشى ماناربەك بۋرماعانوۆ. ال، «قۇلاگەر» اتشابارىندا سپورتتىڭ 12 تۇرىنەن وبلىستىق سپارتاكيادا جوسپارلانعان. وندا ۇزىندىعى «قۇراق كورپە Fest» فەستيۆالى ءوتىپ، 16 شاقىرىم ۇلتتىق تىگىن ونىمدەرى ۇسىنىلادى.
ال، تۇستەن كەيىن «كوكشەتاۋ - باقىتى وتباسى مەكەنى» شاراسىندا «نۇرلى جەر» باعدارلاماسى بويىنشا سالىنعان تۇرعىن ۇيلەردەن جاڭا پاتەردىڭ كىلتى تاپسىرىلادى. قالانىڭ كىشكەنتاي تۇرعىندارىنا «سامۇرىق- قازىنا» اق فۋتبول جانە ۆوركۋت الاڭدارىن سىيعا تارتادى. «تاۋەلسىزدىك» الاڭىندا جاستار اراسىندا « ءتىرى شاحماتتان» تۋرنير وتكىزىلەدى. كەشكىسىن قالا تۇرعىندارى مەن قوناقتارى وتاندىق ەسترادا جۇلدىزدارىنىڭ «كوركىڭە، كوكشەم، عاشىقپىن!» اتتى كونتسەرتتىك باعدارلاماسىن تاماشالايدى.
مەرەكەلىك شارا تۇنگى وت شاشۋمەن ءوز مارەسىنە جەتەدى.