USD 416.91 EUR 446.47
RUB 7.34 CNY 62.53
جاڭالىقتار

قازاقستان دەنساۋلىق قاۋىپسىزدىگى رەيتينگىندە 195 ەلدىڭ اراسىنان 55-بولدى

12 مامىر 16:11
:ءبولىسۋ
قازاقستان دەنساۋلىق قاۋىپسىزدىگى رەيتينگىندە 195 ەلدىڭ اراسىنان 55-بولدى

نۇر-سۇلتان. قازاقپارات - دەنساۋلىق قاۋىپسىزدىگى يندەكسى رەيتينگىندە قازاقستان 195 ەلدىڭ اراسىنان 55-ورىنعا ورنالاستى.

ەل يندەكسى ەڭ جوعارى 100 بالدان 46,1 بالدى قۇرادى، دەپ حابارلايدى قازاقپارات finprom.kz كە سىلتەمە جاساپ.

دەنساۋلىق قاۋىپسىزدىگى يندەكسىندە ەلدىڭ پاندەمياعا نەمەسە ەپيدەمياعا دايىندىعى ەسكەرىلەدى.

يندەكس ۇپايلارى 6 نەگىزگى كورسەتكىشتى قامتيدى: ءارتۇرلى اۋرۋلاردىڭ الدىن الۋ، اۋرۋلاردى انىقتاۋ جانە ەسەپتىلىك، جەدەل ارەكەت ەتۋ، دەنساۋلىق ساقتاۋ جۇيەسى، قارجىلاندىرۋ، قورشاعان ورتادان تونەتىن قاۋىپ.

قازاقستان ءتۇرلى اۋرۋلاردىڭ الدىن الۋ بويىنشا 100 دەن 54,9 بال، اۋرۋلاردى انىقتاۋ جانە ەسەپتىلىك بويىنشا — 29,2 بال، ارەكەت ەتۋ جىلدامدىعى بويىنشا — 36,5 بال، دەنساۋلىق ساقتاۋ جۇيەسىنىڭ ساپاسى بويىنشا — 34,6 بال، قارجىلاندىرۋ بويىنشا — 58,7 بال، قورشاعان ورتا تاۋەكەلى بويىنشا - 62,9 بال جينادى.

رەيتينگىنى قۇراستىرۋشىلار ا ق ش، اۆستراليا جانە فينليانديانى پاندەمياعا نەمەسە ەپيدەمياعا بارىنشا دايىن دەپ سانادى.

سوماليدىڭ كورسەتكىشى ەڭ ناشار بولدى.

ت م د ەلدەرى اراسىندا قازاقستانعا قاراعاندا ارمەنيا مەن رەسەيدىڭ ۇپايلارى جوعارى. ال بەلارۋس – 63، قىرعىزستان — 68، مولدوۆا — 71، وزبەكستان — 82، ۋكراينا — 83، ازەربايجان — 100، تۇرىكمەنستان — 119، تاجىكستان — 140-ورىنعا ورنالاستى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات