USD 416.91 EUR 446.47
RUB 7.34 CNY 62.53
جاڭالىقتار

اتىراۋلىق تۇرعىن پوليتسياعا 1944 -جىلى شىققان تاپانشا تاپسىردى

13 مامىر 07:56
:ءبولىسۋ
اتىراۋلىق تۇرعىن پوليتسياعا 1944 -جىلى شىققان تاپانشا تاپسىردى

اتىراۋ. قازاقپارات - اتىراۋ تۇرعىندارى تاپسىرعان 41 زاڭسىز قارۋ 2,8 ميلليون تەڭگەگە باعالاندى، دەپ حابارلايدى قازاقپارات.

وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، 25-ساۋىردەن بەرى 37 ادامنان قارۋ تاپسىرۋ تۋرالى ءوتىنىش تۇسكەن.

«زاڭسىز قارۋدى تاپسىرۋ اكتسياسى قوعامدىق قاۋىپسىزدىكتى قامتاماسىز ەتۋ، اتىس قارۋىن، وق- دارىلەر مەن جارىلعىش زاتتاردان بولاتىن زارداپتىڭ الدىن الۋ ماقساتىندا قولعا الىنىپ وتىر. اتالعان اكسيا باستالعاننان بەرى 37 ادام پوليتسياعا زاڭسىز ساقتالىپ كەلگەن قارۋلاردى ءوز ەركىمەن تاپسىرۋ تۋرالى نيەت ءبىلدىردى. تۇرعىندار ءوز ەركىمەن 36 تەگىس ۇڭعىلى، 5 ءيىر ويىقتى قارۋ تاپسىردى. پوليتسياعا تاپسىرىلعان قارۋلار 2 ميلليون 852 مىڭ 460 تەڭگەگە باعالاندى»، - دەپ حابارلادى دەپارتامەنتتىڭ باسپا ءسوز قىزمەتى.

ماسەلەن، قۇرمانعازى اۋدانىنىڭ تۇرعىندارى 1892 -جىلى شىعارىلعان «موسينا» ماركالى ۆينتوۆكاسى مەن «شپاگين» پۋلەمەتىنىڭ تاپانشاسىن تاپسىرعان. تاپانشانىڭ 1944 -جىلى زاۋىتتان شىعارىلعانى بەلگىلى بولعان. «مۇنداي ەسكى قارۋلاردى كەيىنگى ۇرپاققا مۇرا رەتىندە ساقتاۋدىڭ ءقاۋپى باسىم. ويتكەنى، قارۋدى زاڭسىز ساقتاۋ ادام ءومىرىن وكىنىشكە ۇرىندارار زارداپقا سوقتىرۋى مۇمكىن. سول سەبەپتەن، زاڭسىز ساقتالعان اتىس قارۋلار مەن وق- دارىلەردى ىشكى ىستەر ورگاندارىنا ءوز ەركىمەن تاپسىرعان ازاماتتار قىلمىستىق، اكىمشىلىك جاۋاپكەرشىلىكتەن بوساتىلادى»، - دەپ ءمالىم ەتتى باسپا ءسوز قىزمەتىنەن.

زاڭسىز ساقتالعان قارۋلار مەن وق- دارىلەردى تاپسىرعان ادامدارعا سىياق ىشكى ىستەر ءمينيسترىنىڭ «زاڭسىز ساقتالعان اتىس قارۋىن، وق-ءدارىنى جانە جارىلعىش زاتتاردى ازاماتتاردىڭ ەرىكتى تۇردە وتەمدى تاپسىرۋ قاعيدالارىنا بەكىتۋ تۋرالى» بۇيرىعىنىڭ تالاپتارىنا سايكەس تولەنەتىن بولادى.

ەسكە سالا كەتەلىك، اتىراۋدا 1892 -جىلعى ۆينتوۆكا مەن سوعىستان قالعان تاپانشا پوليتسياعا تاپسىرىلعانىن حابارلاعان بولاتىنبىز.

اۆتور: بەك مۇستافا



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات