روزا باعلانوۆانىڭ 1942 -جىلى وزمەمفيلارمونياسىمەن مايداندا تۇسكەن سۋرەتى جاريالاندى

تاشكەنت. قازاقپارات - يسلام كاريموۆ اتىنداعى عىلىمي- اعارتۋ مەموريالدى كەشەنى ءتوراعاسىنىڭ ورىنباسارى، اكادەميك ءتۇرسىنالى قۋزيەۆ Facebook پاراقشاسىندا وزمەمفيلارمونياسى ايەلدەر ءانسامبلىنىڭ مايدانداعى سۋرەتىن جاريالادى.

سۋرەتتە قازاقتىڭ ءبىرتۋار ءانشىسى، ك س ر و حالىق ءارتىسى روزا باعلانوۆا ءبىرىنشى قاتاردا وتىر.

2011-2013 -جىلدارى وزبەكستان رەسپۋبليكاسىنىڭ مادەنيەت ءمينيسترى بولعان، بۇگىنگى كۇنى عىلىمي- اعارتۋ كەشەنى ديرەكتورىنىڭ ورىنباسارى ءتۇرسىنالى قۋزييەۆتىڭ سوزىنە قاراعاندا، سۋرەتتىڭ ارتقى جاعىندا «سولتۇستىك- باتىس فرونت، ۆالداي- تورجوك اۋدانى، 1942-قازان» دەگەن جازۋ بار. سونداي- اق، وندا سۋرەتتەگىلەردىڭ ەسىمدەرى جازىلعان. «وزمەمفيلارمونياسى ايەلدەر ءانسامبلى العى شەپتە اۋە بايلانىسى كومانديرى، پولكوۆنيك توكاريەۆ بوريس كۋزميچ، اۋە بايلانىسى كوميسسارى، سوۆەت وداعىنىڭ باتىرى تاريانيكپەن بىرگە» دەگەن جازۋ بۇكىل ءمان- جايدى ۇعىندىرىپ تۇرعانداي.

«1-قاتار، سولدان وڭعا قاراي: - روزا باعلانوۆا؛ - رايما حاكيموۆا؛ - مۋقادداس يزاموۆا؛ - حاديشا حاكىموۆا؛ عاني اعزاموۆ. 2-قاتار: - گابريەليان سۋرەن نيكيتوۆيچ؛ - قيممات بورۋحوۆا؛ - رازيا كاريموۆا؛ - توكاريەۆ بوريس كۋزميچ؛ - ريمما ەرماتوۆا؛ - تاريانيك؛ - يساحار اكيلوۆ؛ - مۋرابيي قاسىموۆ. 3-قاتار؛ - كينو- وپەراتور فرولوۆ؛ - رۋكيا ايۋشيەۆا؛ - فاحريددين سادىقوۆ؛ - گاۋھار راحىموۆا. -2 ۇشقىش؛ - حابيب راحمانوۆ؛ - بابارايم مىرزايەۆ؛ - مينوۆار سافيەۆيچ بۋرناش؛ - سولدات؛ - بارات بايماتوۆ. سۋرەتتەگى گريگوري اۆەريانوۆيچ تاريانيك (1913-1979) گۆارديا پولكوۆنيگى، سولتۇستىك- باتىس فرونتتىڭ 260-جاقىننان بومبالاۋشى اۋە پولكى كوميسسارى، 4-گۆارديالىق بومبالاۋشى اۆياتسيالىق بوريسوۆ ديۆيزياسىن باسقارعان»، دەپ جازادى ءتۇرسىنالى قۋزيەۆ.

روزا باعلانوۆا (1922-2011) - سوعىستان سوڭ وزبەكستاننان ەلگە ورالعان. قازاقستاننىڭ (1955) جانە بۇرىنعى ك س ر و حالىق ءارتىسى (1967)، حالىق قاھارمانى (1996). تۋىسقان حالىق وكىلى جاريالاعان بۇل سۋرەت روزا باعلانوۆا ءومىرىن زەرتتەۋشىلەر ءۇشىن قۇندى جادىگەر بولماق.

اۆتورى: بەگابات ۇزاقوۆ