جەتىسۋدا «تۋعان جەر» جوباسى شەڭبەرىندە 193 جوبا جۇزەگە اسىرىلدى

None
None
تالدىقورعان. قازاقپارات - الماتى وبلىسىندا «اتامەكەن» كىشى باعدارلاماسى جەتىسۋدا تۋىپ- وسكەن كاسىپكەرلەر مەن مەتسەناتتار تاراپىنان ۇدايى قولداۋ تاۋىپ كەلەدى. تەك قانا «تۋعان جەر» ارنايى جوباسىنىڭ اياسىندا وتكەن جىلى جالپى قۇنى 17,7 ميلليارد تەڭگە بولاتىن 193 جوبا جۇزەگە اسىرىلدى.

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگ بارىسىندا وبلىس اكىمى اماندىق باتالوۆ ءمالىم ەتتى، دەپ حابارلايدى قازاقپارات ءتىلشىسى.

ولاردىڭ قاتارىندا «باتىر بابالار» مەموريالدى مۋزەيى (465 ميلليون تەڭگە) مەن تۇڭعىش پرەزيدەنت - ەلباسىنىڭ «اتامەكەن» تاريحي- مادەني ورتالىعى دا سالىنىپ، ىسكە قوسىلدى.

بۇل ورايدا الەۋمەتتىك ماڭىزدى جوبالار دا اتاپ ءوتىلدى.  «BN INVEST» قارجىلىق- وندىرىستىك حولدينگى قاراساي اۋدانى شامالعان اۋىلىندا حالىقتىڭ ءالجۋاز توپتارىنىڭ قاتارىنداعى وتباسىلارىنا 160 ميلليون تەڭگەگە 17 تۇرعىن ءۇي سالىپ بەردى. ال ەڭبەكشىقازاق اۋدانى اشىبۇلاق اۋىلىنداعى قاراۋسىز قالعان ساياباق قايتا جاڭعىرتىلىپ، بالالار الاڭى مەن فۋتبول الاڭى جاسالدى. بۇل ىسكە جوعارى تەحنولوگيالى كوكونىس پەن جەمىس- جيدەك وسىرۋمەن اينالىساتىن «امال بيو» ج ش س جەتەكشىسى، كاسىپكەر اسقار سابيروۆ 30 ميلليون تەڭگە جۇمسادى.  مەتسەنات ازامات مولداقاسىموۆ بالقاش اۋدانىندا ءبىرقاتار ىرگەلى ىستەرگە مۇرىندىق بولدى: باستاۋىش مەكتەپ، بالالار الاڭى سالىندى، اۋىلىشىلىك جولدار جوندەلىپ، جارىقتاندىرۋ جۇيەلەرى جۇرگىزىلدى. جالپى العاندا كاسىپكەر بوياۋلى اۋىلىن كوركەيتۋگە 650 ميلليون تەڭگەدەن استام قارجى قۇيدى.

Жетісуда «ТуÒ

بەلگىلى مەتسەنات، «جەر- سۋ» كورپوراتسياسىنىڭ پرەزيدەنتى باۋىرجان وسپانوۆ جاستاردى قولداۋ مەن بيزنەستى دامىتۋعا بارىنشا جاردەمدەسىپ كەلەدى. الاكول اۋدانىندا 12 جاس كاسىپكەردىڭ ۇزدىك ستارتاپتارى كاسىپكەردىڭ 1 ميلليون تەڭگەگە دەيىنگى گرانتىن يەمدەندى.

شارۋا قوجالىعىنىڭ باسشىسى تەمىرلان ءشاينۇسىپوۆ «رۋحاني جاڭعىرۋ» باعدارلاماسىنا قاتىسا وتىرىپ، جامبىل اۋدانى اقتەرەك اۋىلىندا 140 ميلليون تەڭگەگە 20 تۇرعىن ءۇي سالدى. ول تۋعان اۋىلىندا بالاقشا، بالالارعا الاڭدارى مەن سپورت الاڭدارىن تۇرعىزىپ، جول سالدى. وڭىردە مۇنداي مىسالدار كوپ.

«جىل باسىنان بەرى وبلىستا «تۋعان جەر» جوباسى شەڭبەرىندە جالپى سوماسى 4,2 ميلليارد تەڭگەگە 85 جوبا جۇزەگە اسىرىلىپ جاتىر. ولاردىڭ اراسىندا الاكول، قاراساي اۋداندارىندا دەنە شىنىقتىرۋ- ساۋىقتىرۋ كەشەندەرىنىڭ، كەربۇلاق اۋدانى تاستىباستاۋ اۋىلىندا مەكتەپتىڭ، الاكول اۋدانىندا پاتروناتتىق وتباسىنا ارنالعان ءۇيدىڭ قۇرىلىسى مەن جامبىل اۋدانى ۇزىناعاش اۋىلىندا ۇلى اقىن، جىرشى، جىراۋ جامبىل جابايەۆتىڭ ەسكەرتكىشىن اتاۋعا بولادى. جىر الىبىنىڭ ەڭسەلى ەسكەرتكىشىن كۇنى كەشە عانا سالتاناتتى تۇردە اشتىق»، - دەدى الماتى وبلىسىنىڭ اكىمى اماندىق باتالوۆ.

جالپى، 2019-2020 -جىلدارى قۇنى 5,9 ميلليارد تەڭگە بولاتىن 122 جوبانى جۇزەگە اسىرۋ جوسپارلانعان.

اۆتور:  سامال قابىشيەۆا

سوڭعى جاڭالىقتار