اقتوبەلىكتەر 1920-جىلعى قارۋ مەن جارىلعىش زاتتى پوليتسياعا تاپسىردى
سونىمەن قاتار، اۋلادان تابىلعان جارىلعىش زات جويىلدى، دەپ حابارلايدى قازاقپارات ءتىلشىسى.
اقتوبەدە قارۋ ساتىپ الۋ اكسياسى ءوتتى. قارۋدى زاڭسىز ساقتاپ وتىرعاندار 10- ءساۋىر مەن 30- مامىر ارالىعىندا ونى تاپسىرىپ، سىياقى الۋ مۇمكىندىگىنە يە بولدى. بارلىعى 119 قارۋ ساتىپ الىندى. سونىمەن قاتار، 1400 دەن استام وق-ءدارى تاپسىرىلدى.
«اقتوبەلىك تۇرعىن 82 م بولاتىن جارىلعىش زاتتى تاپسىردى. ول ونى ءوز اۋلاسىنان تاۋىپ العان. ال تاعى ءبىر تۇرعىن «فرولوۆكا 28» قارۋىن وتكىزدى. قارۋ كەڭەس وداعى كەزىندە، 1920-جىلى شىعارىلعان. وتە ەسكى ءارى جارامسىز كۇيگە تۇسكەن. نەگىزى بۇل قارۋ 1891-جىلى تۋلسكي قارۋ-جاراق زاۋىتىندا شىعارىلعان. تۇرعىندار زاڭسىز ساقتاپ وتىرعان قارۋىن ءوز ەركىمەن تاپسىرسا، بارلىعى قىلمىستىق جاۋاپكەرشىلىكتەن بوساتىلادى»، - دەپ حابارلادى وبلىستىق ءى ءى د باسپا ءسوز قىزمەتى.