پاريجدە 1910 - جىلى سالىنعان قوناق ءۇيى قايتادان اشىلدى
بۇل ايگىلى ورىندا كەزىندە ەرنەست حەمينگۋەي سەكىلدى تانىمال ونەر جانە مادەنيەت قايراتكەرلەرى توقتاپ، دەمالعان. ءبىراق ەكىنشى دۇنيەجۇزىلىك سوعىس كەزىندە نەمىستەردىڭ شتاب- پاتەرىنە، سودان سوڭ بوسقىنداردى قابىلداۋ ورتالىعى بولعان. ال جاڭارتىلعان قوناق ۇيدە 184 جاي جانە 47 ليۋكس بولمەسى بار. ونى جاڭعىرتۋعا 4 جىل ۋاقىت كەتىپ، 200 ميلليون ەۋرو جۇمسالعان. ەلدىڭ تۋريزم باسقارماسى «ليۋتەتسيانىڭ» قايتا قولدانىسقا بەرىلۋى ساياحاتشىلاردىڭ قاتارىن ارتتىرا تۇسەتىنىنە سەنىمدى.
ەسكە سالا كەتەيىك، 2015 -جىلعى لاڭكەستىك فرانسيانىڭ تۋريزم سالاسىنا ۇلكەن نۇقسان كەلتىرىپ، ەلگە كەلەتىن شەتەلدىك ازاماتتاردىڭ سانى كۇرت ازايىپ كەتكەن ەدى.
ۆانگەليس پانايوتيس، تۋريزم سالاسى بويىنشا ساراپشى:
- پاريجدە سالتاناتقا لايىق ليۋكس قوناق ۇيلەر قازىر دە جەتىسپەيدى. بىزدە مۇنداي ساناتتاعى بىرنەشە سارايلار بار. ءبىراق لوندون، ماسكەۋ، توكيو جانە نيۋ- يورك سەكىلدى الەمدىك ەكونوميكالىق ورتالىقتارمەن سالىستىرعاندا ءالى دە ارتتا قالىپ وتىرمىز. سوندىقتان دامۋعا سەبەپ جەتەرلىك.
www.24.kz