حالىق ساناعى: ەلىمىزدەگى 19 ميلليون حالىقتىڭ 48 پايىزى - ەرلەر

نۇر-سۇلتان. قازاقپارات - قازاقستان حالقىنىڭ ىشىندە ايەلدەر مەن ەرلەردىڭ ۇلەسى بەلگىلى بولدى، دەپ حابارلايدى قازاقپارات.

بۇل جايىندا ۇكىمەت باسشىسى اسقار ماميننىڭ پرەزيدەنتكە بەرگەن ەسەبىندە ايتىلادى.

قازاقستاندا وتكەن ۇلتتىق ساناقتىڭ قورىتىندىسى بويىنشا، قازاقستاندىقتاردىڭ جالپى سانى - 19169550 ادام. وتانداستارىمىزدىڭ 48,71 پايىزى - ەرلەر، 51,29 پايىزى - ايەلدەر. قازاقستان حالقىنىڭ ورتا جاسى 31,94 جاس دەپ كورسەتىلگەن. جالپى حالىقتىڭ 33,97 پايىزى - 17 جاسقا دەيىنگى بالالار، 19,72 پايىزى - 14-28 جاس ارالىعىنداعى جاستار.