اتىراۋ تۇرعىندارى 19-جانە 22- ناۋرىزدا اۆتوبۋستا تەگىن جۇرەدى
«Smart Atyrau» كوممۋنالدىق مەملەكەتتىك مەكەمەسىنىڭ ديرەكتورى ارسلان ارونوۆتىڭ ايتۋىنشا، اتىراۋ قالالىق اكىمدىگى مەن جولاۋشى تاسىمالدايتىن كاسىپورىنداردىڭ باسشىلارى وسىنداي ورتاق شەشىم قابىلداعان.
«ەلىمىزدە 19-ناۋرىزدا پارلامەنت ءماجىلىس جانە ءار دەڭگەيدەگى ءماسليحاتتاردىڭ دەپۋتاتتارىن سايلاۋ وتەتىندىكتەن، بۇل كۇنى اۆتوۋبستار جولاۋشىلاردى تەگىن تاسىمالدايدى. اتىراۋ قالاسىنىڭ تۇرعىندارى مەن قوناقتارى 22-ناۋرىز - ۇلىستىڭ ۇلى كۇنى دە قوعامدىق كولىكتە تەگىن جۇرەدى»- دەپ حابارلادى ارسلان ارون ۇلى.
ونىڭ مالىمەتىنە سۇيەنسەك، اتىراۋدا جولاۋشى تاسىمالداۋمەن اينالىساتىن بىرنەشە كاسىپورىن بار.
قوعامدىق كولىكتەر 31 مارشرۋتپەن جولاۋشى تاسىمالدايدى.
اتىراۋ قالاسى مەن وعان ىرگەلەس ورنالاسقان ەلدى مەكەندەرگە جولاۋشى تاسىمالداۋعا مارشرۋتقا كۇن سايىن 240 اۆتوبۋس جولعا شىعادى.
«قوعامدىق كولىكتە كەستەگە سايكەس تاڭەرتەڭگە كەشكە دەيىن جولاۋشىلار مەن مۇنايلى شاھار قوناقتارىن تەگىن تاسىمالدايدى. جولاۋشىلاردىڭ جاس ايىرماشىلىعىنا شەكتەۋ قويىلمايدى. اكىمدىك پەن جولاۋشى تاسىمالدايتىن كاسىپورىنداردىڭ ورتاق شەشىمىمەن قابىلدانعان بۇل مۇمكىندىكتى جاس ايىرماشىلىعىنا قاراماستان جولاۋشىلاردىڭ ءبارى پايدالانا الادى»، - دەپ ءمالىم ەتتى ارسلان ارون ۇلى.
ەسكە سالا كەتەلىك، بۇدان بۇرىن اتىراۋدا اتىراۋ تۇرعىندارى قوعامدىق كولىكتە تەگىن قاتىناپ جۇرگەنىن حابارلاعان بولاتىنبىز.