الماتىدا قوعامدىق كولىك 19:00 گە دەيىن جۇرەتىن بولدى
بۇل تۋرالى قالالىق اكىمدىكتىڭ باسپا ءسوز قىزمەتى مالىمدەدى، دەپ حابارلايدى قازاقپارات ءتىلشىسى.
ساراپشىلار جۇرگىزگەن تالداۋعا سايكەس، قوعامدىق كولىكتەگى جولاۋشىلار اعىنى %70 عا تومەندەگەن.
وسىعان بايلانىستى توتەنشە جاعداي رەجىمىن قامتاماسىز ەتۋ جونىندەگى الماتىنىڭ جەدەل شتابى قالالىق اۆتوبۋس مارشرۋتتارى مەن مەترونىڭ جۇمىس ۋاقىتىن قىسقارتۋ تۋرالى شەشىم قابىلدادى.
سونىمەن، قالاداعى قوعامدىق كولىك ساعات 06:00 مەن 19:00 اراسىندا جۇمىس ىستەيدى.
ايتا كەتەيىك، بۇعان دەيىن جولاۋشىلار اعىنىنىڭ ايتارلىقتاي تومەندەۋىنە قاراماستان، قالا تۇرعىندارىنىڭ ەركىن قوزعالۋى ءۇشىن اۆتوبۋستار جۇمىس ىستەۋىن جالعاستىرعان بولاتىن.
قالاارالىق جانە قالا ماڭىنداعى مارشرۋتتاردىڭ جۇمىسى توقتاتىلدى.
ەسكە سالا كەتسەك، استانادا اۆتوبۋستىڭ جۇمىس كەستەسى ەندى 21:00 گە دەيىن ەمەس، 19:00 گە دەيىن بولادى.