USD 424.84 EUR 453.6
RUB 7.3 CNY 63.91
جاڭالىقتار

تىعىلىپ قوناققا، رەستوراننىڭ ارتقى ەسىگىنەن تويعا بارعاننان 18 مىڭ ادام قايتىس بولدى - ەرالى توعجانوۆ

18 قاڭتار 20:45
:ءبولىسۋ
تىعىلىپ قوناققا، رەستوراننىڭ ارتقى ەسىگىنەن تويعا بارعاننان 18 مىڭ ادام قايتىس بولدى - ەرالى توعجانوۆ

نۇر-سۇلتان. قازاقپارات - ق ر پرەمەر-ءمينيسترىنىڭ ورىنباسارى ەرالى توعجانوۆ سانيتارلىق نورمالاردى ەلەمەيتىن تۇرعىنداردىڭ ارەكەتىن سىنعا الدى، دەپ حابارلايدى قازاقپارات ءتىلشىسى.

«مەملەكەتتىك ورگانداردىڭ دا، قوعامنىڭ دا ءوزارا جاۋاپكەرشىلىگى عانا قاۋىپتى ۆيرۋستىڭ تارالۋ تىزبەگىن توقتاتا الادى. قازىرگى ۋاقىتتا جالعىز دۇرىس شەشىم - ۆاكسينالاۋ جانە سانيتارلىق نورمالاردى قاتاڭ ساقتاۋ. سوڭعى ۋاقىتتا سالعىرتتىق كوبەيگەنىن، ماسكا تاعۋدى، انتيسەپتيك قولدانۋدى، الەۋمەتتىك قاشىقتىقتى ساقتاۋدى توقتاتقانىمىزدى مويىنداۋىمىز كەرەك. كوپتەگەن ازاماتتارىمىز وقشاۋلانۋ تالاپتارىن مۇلدەم ۇمىتتى جانە اينالاسىن قاتەرگى تىگىپ ءجۇر» ، - دەدى ە. توعجانوۆ ورتالىق كوممۋنيكاتسيالار قىزمەتىندە. سپيكەر بۇقارالىق ءىس-شارالاردى وتكىزۋدەن جانە وعان بارۋدان اۋلاق بولۋدى، وزىمىزگە جانە اينالاداعى جاقىندارىمىزعا جاناشىر بولۋىمىز كەرەكتىگىن ەسكە سالدى.

«ءبىز كوروناۆيرۋس زاردابىنان ەكى جىلدا 18326 ادامنان ايرىلدىق. بەيبىت كۇندە ارامىزداعى ارداقتىلارىمىزدى جوعالتتىق. قاتالداۋ ەستىلسە دە ايتايىن - كوپ جاعدايدا وسىعان ءوزىمىز كىنالىمىز. تىعىلىپ قوناققا بارۋ، رەستوراننىڭ ارتقى ەسىگىنەن كىرىپ توي جاساۋ، ماسكا تاعۋدى قاجەت دەپ ساناماۋ، سانيتارلىق تالاپتاردى قابىل كورمەۋ سياقتى ارەكەتتەرىمىزدىڭ كەسىرىنەن قانشاما ادام قايتىس بولىپ كەتتى. نەگىزى «ءتارتىپ - تاربيە باستاۋى، تارتىپسىزدىك - ءومىرىڭنىڭ قاس جاۋى» دەپ اتالارىمىز بەكەر ايتپاعان. قازىر بوساڭسيتىن ۋاقىت ەمەس، اۋرۋدىڭ شارىقتاۋ شەگى ءالى الدا»، - دەدى ە. توعجانوۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات