ەلوردادا 18- قاڭتاردا وتەتىن ماڭىزدى شارالار اڭداتپاسى

نۇر-سۇلتان. قازاقپارات - «قازاقپارات» حالىقارالىق اقپارات اگەنتتىگى 18- قاڭتار كۇنى ەلوردادا وتەتىن ماڭىزدى شارالار اڭداتپاسىن ۇسىنادى.

9.00 دە ۇكىمەت ۇيىندە ۇكىمەت وتىرىسى وتەدى. كۇن تارتىبىندە سانيتاريالىق-ەپيدەميولوگيالىق جاعداي، ەلدەگى الەۋمەتتىك-ەكونوميكالىق جاعدايدى تۇراقتاندىرۋ جونىندەگى جەدەل ءىس-قيمىل جوسپارى جانە ينفلياتسيانىڭ، ازىق-تۇلىك ونىمدەرى مەن مۇناي ونىمدەرى باعاسىنىڭ وسۋىنە جول بەرمەۋ شارالارى قاراستىرىلماق.

ۇكىمەت وتىرىسى PrimeMinister.kz سايتىندا جانە الەۋمەتتىك جەلىلەردەگى رەسمي اككاۋنتتارىندا ونلاين رەجيمدە كورسەتىلەدى.

15.00 دە قازاقستان حالقى اسسامبلەياسى ەل پرەزيدەنتى قاسىم-جومارت توقايەۆتىڭ باستامالارىن قولداۋ مەن «قازاقستان حالقىنا» قورىن قۇرۋ جونىندەگى رەسپۋبليكالىق دوڭگەلەك ۇستەلىن وتكىزەدى.

17.30 دا ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە قازاقستانداعى ەپيدەميولوگيالىق جاعداي جانە وميكرون شتاممىنىڭ اينالىمى تۋرالى باسپا ءسوز ءماسليحاتى وتەدى.

وعان ق ر پرەمەر-ءمينيسترىنىڭ ورىنباسارى ەرالى توعجانوۆ، ق ر دەنساۋلىق ساقتاۋ ءمينيسترى اجار عينيات، ق ر د س م سانيتاريالىق-ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا قاتىسادى.

كورسەتىلىم سىلتەمەلەرى: https://www.youtube.com/user/ortcomkz، https://ru-ru.facebook.com/ortcomkz.