نۇر-سۇلتاندا 18 جاستاعى جىگىت ءبىر تۇندە ەكى كولىك ۇرلاپ، ۇستالدى

None
None
نۇر-سۇلتان. قازاقپارات - جاس جىگىت ءبىر ءتۇن ىشىندە تۇرعىن ۇيلەردىڭ اۋلاسىنان ەكى كولىك ۇرلاعان، دەپ حابارلايدى قازاقپارات نۇر-سۇلتان قالاسىنىڭ پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

كۇدىكتى الدىمەن مۇستافين كوشەسىندە ۆاز-2114 اۆتوكولىگىن بۇزىپ كىرىپ، ايداپ كەتكەن.

بىرنەشە مەتر جۇرگەسىن، جاس جىگىت ويىن وزگەرتكەن. سول بويدا كولىگىن تاستاپ، كەتىپ قالعان.

جول-جونەكەي «تويوتا كارينا» ماركالى اۆتوكولىگىنە كوزى تۇسكەن. ۇرلانعان كولىكپەن ازداپ قىدىرعاسىن جىگىت ونى ساياباقتا قالدىرعان.

پوليتسيا قىزمەتكەرلەرى ءىزىن سۋىتپاي 18 جاستاعى قالا تۇرعىنىن ۇستادى. ۇستالعان ازاماتتىڭ ايتۋىنشا، اۆتوكولىكتى ۇرلاۋ تاسىلدەرىن ول ينتەرنەت جەلىسىنەن ۇيرەنگەن، ءسويتىپ العان «ءبىلىمىن» ءىس جۇزىندە پايدالانىپ كورگىسى كەلگەن.

جاس جىگىتكە قاتىستى اۆتوكولىكتى ۇرلاۋ ماقساتىنسىز زاڭسىز يەلەنۋ فاكتىسى بويىنشا تەرگەۋ جۇرگىزىلۋدە. اۆتوكولىكتەر يەلەرىنە قايتارىلدى.

نۇر-سۇلتان قالاسىنىڭ پوليتسيا دەپارتامەنتى ازاماتتاردى كولىكتى قويعاندا ساق بولۋعا، ەسىك-تەرەزەلەرىنىڭ جابىلعانىن تەكسەرۋ كەرەكتىگىن ەسكەرتەدى.

«كولىگىڭىزدى ايداپ اكەتۋدەن ساقتاۋ جانە ونىڭ قاۋىپسىزدىگىن قامتاماسىز ەتۋ ءۇشىن پوليتسيا قىزمەتكەرلەرى اۆتوكولىك يەلەرىنە ماشينالاردى كۇزەتىلەتىن تۇراقتارعا قويۋدى جانە دابىل جۇيەسىن ورناتۋدى ۇسىنادى. ەگەر سىزگە قاتىستى زاڭسىز ارەكەتتەر جاسالسا، دەرەۋ 102 ءنومىرى بويىنشا حابارلاڭىز»، - دەلىنگەن حابارلامادا.

سوڭعى جاڭالىقتار