داۋىل، نايزاعاي، بۇرشاق: 18-ماۋسىمعا ارنالعان اۋا رايى
تەك ق ر باتىسى مەن وڭتۇستىك- باتىسىندا كۇن اشىق بولادى. رەسپۋبليكا بويىنشا كەي جەرلەردە جەل كۇشەيەدى، وڭتۇستىك- باتىستا جانە باتىستا شاڭدى داۋىل، سولتۇستىكتە جانە وڭتۇستىك- شىعىستاعى تاۋلاردا داۋىل تۇرۋى ىقتيمال، دەپ حابارلايدى قازاقپارات.
«قازگيدرومەت» ر م ك مالىمەتىنشە، قوستاناي، سولتۇستىك قازاقستان وبلىستارىنىڭ كەي جەرلەرىندە داۋىل، بۇرشاق كۇتىلەدى، تۇندە كەي جەرلەرىندە، كۇندىز باسىم بولىگىندە جەل 15-20, ەكپىنى 23-28 م/س كۇشەيەدى.
اقمولا وبلىسىنىڭ كەي جەرلەرىندە داۋىل تۇرىپ، بۇرشاق جاۋۋى ىقتيمال، تۇندە كەي جەرلەرىندە جەل 15-20 م/س كۇشەيەدى، كەي جەرلەرىندە ەكپىنى 23-28 م/س جەتەدى. پاۆلودار، قاراعاندى وبلىستارىنىڭ كەي جەرلەرىندە كۇندىز بۇرشاق، داۋىل كۇتىلەدى، جەلدىڭ جىلدامدىعى 15-20 م/س جەتەدى.
جامبىل وبلىسىندا كۇندىز تاۋلى اۋدانداردا بۇرشاق، داۋىل كۇتىلەدى، كەي جەرلەردە شاڭدى داۋىلمەن جەل 15-20 م/س كۇشەيەدى، ەكپىنى 23 م/س. قىزىلوردا، ماڭعىستاۋ، اتىراۋ وبلىستارىنىڭ كەي جەرلەرىندە كۇندىز جەلدىڭ جىلدامدىعى 15-20 م/س جەتەدى. تۇركىستان، اقتوبە وبلىستارىنىڭ كەي جەرلەرىندە كۇندىز جەل 15-20 م/س كۇشەيەدى.
كۇندىز قىزىلوردا، ماڭعىستاۋ، اتىراۋ، پاۆلودار، قاراعاندى وبلىستارىندا، الماتى، تۇركىستان وبلىستارىنىڭ كەي جەرلەرىندە، باتىس قازاقستان وبلىسىنىڭ وڭتۇستىگىندە اپتاپ ىستىق بولادى.
قىزىلوردا، تۇركىستان، اقتوبە وبلىستارىندا، جامبىل، الماتى، قوستاناي، اقمولا، پاۆلودار، قاراعاندى وبلىستارىنىڭ كەي جەرلەرىندە، شىعىس قازاقستان، باتىس قازاقستان وبلىستارىنىڭ جەكەلەگەن اۋداندارىندا توتەنشە ءورت قاۋپى ساقتالادى.