+7 (701) 759 90 19
16 °С : نۇر-سۇلتان
24 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

ماگيستراتۋراعا تۇسەتىن تالاپكەرلەردى تىركەۋ 18-ماۋسىمدا باستالادى

16 ماۋسىم 19:08
:ءبولىسۋ
ماگيستراتۋراعا تۇسەتىن تالاپكەرلەردى تىركەۋ 18-ماۋسىمدا باستالادى

نۇر-سۇلتان. قازاقپارات - ماگيستراتۋراعا تۇسۋگە ارنالعان كەشەندى تەستىلەۋگە قاتىسۋ ءۇشىن تىركەۋ 18-ماۋسىم كۇنى باستالادى. تىركەۋ ۇلتتىق تەستىلەۋ ورتالىعىنىڭ app.testcenter.kz سايتىندا جۇرگىزىلەدى، دەپ حابارلايدى قازاقپارات.

«تىركەۋ كەزىندە تەستىلەۋ وتكىزىلەتىن ورىندى وقۋعا ءتۇسۋشى ءوزى تاڭدايدى. سونداي- اق ۇلتتىق تەستىلەۋ ورتالىعىنىڭ سايتىندا بايقاۋ سىناعىنان وتۋگە بولادى. ەمتيحاندار 20 شىلدەدەن باستالىپ، 10 تامىزعا دەيىن جالعاسادى»، - دەيدى ق ر ب ع م جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ.

ماگيستراتۋراعا ءتۇسۋ فورماتىنا كەلەتىن بولساق، بيىل ەشقانداي وزگەرىس جوق. تەستىلەۋ ناتيجەسىمەن كەلىسپەگەن جاعدايدا تەستىلەنۋشى كت اياقتالعاننان كەيىن 30 مينۋتتىڭ ىشىندە اپەللياتسياعا ءوتىنىش بەرە الادى.

«ماگيستراتۋراعا تۇسۋگە ارنالعان تەستىلەۋ 3 بولىمنەن تۇرادى: شەت ءتىلى بويىنشا تەست، وقۋعا دايىندىعىن انىقتاۋعا ارنالعان جانە ءبىلىم بەرۋ باعدارلامالارى توبىنىڭ بەيىنى بويىنشا تەست. شەت ءتىلىن مەڭگەرۋدىڭ جالپى حالىقارالىق قۇزىرەتتەرىنە (ستاندارتتارىنا) سايكەس شەت ءتىلىن مەڭگەرگەنىن راستايتىن ءبىر حالىقارالىق سەرتيفيكاتى بار ماگيستراتۋراعا تۇسۋشىلەر شەت ءتىلى بويىنشا كەشەندى تەستىلەۋدەن بوساتىلادى»، - دەپ اتاپ ءوتتى ا. تويبايەۆ.

ايتا كەتكەن ءجون، بيىل مەملەكەتتىك ءبىلىم تاپسىرىسى بويىنشا ماگيستراتۋراعا ءتۇسۋ ءۇشىن شەكتى بالل وزگەرىسسىز قالدى - 75 بالل. وقۋعا اقىلى نەگىزدە ءتۇسۋ ءۇشىن 50 بالل جيناۋ قاجەت. ەمتيحان ءتورت ساعاتقا دەيىن جالعاسادى.

ەستەرىڭىزگە سالا كەتەيىك، باكالاۆريات بويىنشا گرانتتاردىڭ جالپى سانى - 56561، ماگيستراتۋرا - 13263، دوكتورانتۋراعا 1890 گرانت بولىنگەن. كادر دايارلاۋعا ارنالعان گرانتتار سۇرانىسقا يە باعىتتار بويىنشا بولىنەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات