شىعىس قازاقستاندا زەينەتكەردىڭ 18 ميلليون تەڭگەسىن ۇرلاپ كەتتى
ريددەر قالاسىنىڭ پوليتسيا بولىمىنە 65 جاستاعى قاريا ارىزداندى. زەينەتكەر ۇيگە بەلگىسىز بىرەۋدىڭ كىرىپ، جاتىن بولمەدەگى شكافتا تۇرعان اقشاسىن ۇرلاپ كەتكەنىن جەتكىزگەن. جەدەل ارەكەت ەتكەن ش ق و پ د كريمينالدىق پوليتسيا باسقارماسىنىڭ قىزمەتكەرلەرى بىرنەشە كۇن ىشىندە كۇدىكتىنى قولعا ءتۇسىردى.
«انىقتالعانداي، ءۇي ىشىندە ەشكىمنىڭ جوق ەكەنىنە كوز جەتكىزگەن ۇرى تەرەزە ارقىلى كىرگەن. جاتىن بولمەدەگى شكافتان شەتەل ۆاليۋتاسىنداعى 18 ميلليون تەڭگەدەن استام اقشا سالىنعان پاكەتتى الىپ، وقيعا ورنىنا ءىزىن سۋىتادى. ريددەر قالاسىنىڭ 41 جاستاعى تۇرعىنى ءوز كىناسىن مويىنداپ وتىر»، - دەدى دەپارتامەنت باستىعىنىڭ ورىنباسارى تالعات شاياحمەتوۆ.
ەر ادام اقشانىڭ ءبىراز بولىگىن تىعىپ قويعانىن، قالعانىن وزىمەن بىرگە وسكەمەنگە الىپ كەتكەنىن ايتتى. ءتارتىپ ساقشىلارى ونىڭ ءۇيىن ءتىنتۋ بارىسىندا اقشانى تاپتى. كۇدىكتى ۇرلانعان قاراجاتتىڭ ءبىرازىنا قىمبات سمارتفوندار، كيىم-كەشەك پەن التىن بۇيىمدار ساتىپ العان. قالعان سوما جابىرلەنۋشىگە قايتارىلىپ بەرىلدى. قازىرگى ۋاقىتتا پوليتسەيلەر ق ر قىلمىستىق كودەكسىنىڭ 188-بابى 4-بولىگى بويىنشا سوتقا دەيىنگى تەرگەۋ امالدارىن باستادى.
اۆتور: تالعاتجان مۇحامەتبەك ۇلى