+7 (701) 759 90 19
-19 °С : نۇر-سۇلتان
-5 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

اقتوبەدە ىزدەۋدە جۇرگەن 18 كۇدىكتى ۇستالدى

19 قىركۇيەك 10:55
:ءبولىسۋ
اقتوبەدە ىزدەۋدە جۇرگەن 18 كۇدىكتى ۇستالدى

اقتوبە. قازاقپارات - اقتوبەدە «ىزدەستىرۋ» رەسپۋبليكالىق الدىن الۋ شاراسى وتكىزىلدى.

ەكى كۇن ىشىندە قىلمىستىق ىستەرگە قاتىسى بار، ىزدەۋدە جۇرگەن 18 كۇدىكتى ۇستالدى، دەپ حابارلايدى قازاقپارات ءتىلشىسى.

تابىلعان 18 كۇدىكتىنىڭ 8 ءىن رەسەي فەدەراتسياسىنىڭ قۇقىق قورعاۋ ورگاندارى ىزدەستىرىپ جاتىر. ونىڭ ىشىندە ورىنبور وبلىسىنىڭ - 5، باشقۇرتستان رەسپۋبليكاسىنىڭ - 1، داعىستان رەسپۋبليكاسىنىڭ - 1 جانە ستاۆروپول ولكەسىنىڭ - 1 ازاماتى بار.

سونىمەن بىرگە وبلىس اۋماعىندا حابار-وشارسىز كەتكەن 7 ادام تابىلدى، ولاردىڭ ەكەۋى كامەلەتكە تولماعان بالا.

«وتپەلى شاقتا جاس وسپىرىمدەر مەن اتا-انا اراسىندا ۇرىس-كەرىس بولادى. كوبىنە 14-17 جاس ارالىعىنداعى بالالار سەزىمگە بەرىلىپ، ەسىكتى تارس جاۋىپ، كەتىپ قالادى. سونىمەن بىرگە، اتا- انا كىشكەنتايلارىن باقىلاۋسىز قالدىرادى. مىسالى، اتا-انالار بالانى كوشەگە ويناۋعا جىبەرىپ، وزدەرى ءۇي شارۋاسىمەن اينالىسادى، ال بالانى قاراۋسىز قالدىرىپ، كەيدە كەشكە دەيىن قايدا جۇرگەنىن قاداعالامايدى. جوعالۋ فاكتىسى انىقتالعان كەزدە بىردەن پوليتسياعا جۇگىنبەي، وزدەرى ىزدەۋمەن اينالىسادى. مۇندايدا ادامداردى ىزدەۋگە ۇلەس قوسقان ەرىكتىلەر ۇيىمىنا جەكە العىسىمدى بىلدىرگىم كەلەدى. الەۋمەتتىك جەلىنىڭ دە كومەگى زور»، - دەدى وبلىستىق پ د باستىعىنىڭ ورىنباسارى قانات نۇرماعامبەتوۆ.

ايتا كەتەيىك، اقتوبە وبلىسىنىڭ پوليتسيا بولىمىنە بيىل 203 ادامنىڭ جوعالعانى تۋرالى ارىز ءتۇستى. ولاردىڭ 81 ءى كامەلەت جاسقا تولماعان. بالالاردىڭ ءبارى تابىلىپ، اتا-انالارىنا تاپسىرىلدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات