ەلوردادا 18- مامىردان جۇمىسىن باستايتىن نىساندار بەلگىلى بولدى

None
None
نۇر- سۇلتان. قازاقپارات - نۇر- سۇلتان قالاسىنىڭ باس سانيتار دارىگەرى جاننا پراليەۆا 18 - مامىردان ەلوردادا جۇمىسى جانداناتىن نىساندار تۋرالى ايتتى، دەپ حابارلايدى قازاقپارات ءتىلشىسى.

«18 - مامىردان قوعامدىق تاماقتانۋ نىساندارىنىڭ جۇمىسىنا رۇقسات ەتىلەدى. بۇل رەتتە 50 ورىنعا دەيىنگى جوبالىق كولەمدەگى ءدامحانالار، مەيرامحانالار قامتىلادى، سونداي- اق دالاداعى جازعى ءدامحانالار ەسكەرىلەدى. مۇنىمەن قوسا، بالاباقشالارداعى كەزەكشى توپتاردىڭ، جەكە ساباقتار ءۇشىن بالالاردىڭ كوررەكتسيالىق كابينەتتەرىنىڭ جۇمىسى قاراستىرىلعان» ، - دەدى د. پراليەۆا ونلاين باسپا ءسوز ءماسليحاتىندا.

ونىڭ سوزىنە قاراعاندا، حالىققا قىزمەت كورسەتۋ ورتالىقتارىن اشۋ قاراستىرىلىپ جاتىر. جاننا پراليەۆانىڭ اتاپ وتۋىنشە، كوروناۆيرۋستىڭ تارالۋىنىڭ دەڭگەيى بەس پايىزدان اسپايتىن كورسەتكىشتە ساقتالسا عانا اتالعان نىساندار جۇمىسىن باستاي الادى. بۇدان بۇرىن حابارلانعانداي، بيىل 18 - مامىردان باستاپ مەنشىك نىسانىنا قاراماستان مەكتەپكە دەيىنگى بارلىق ءبىلىم بەرۋ مەكەمەلەرى كەزەكشى توپ رەجيمىندە جۇمىستارىن باستاۋعا دايىن. سونىمەن قاتار، ارنايى ۇيىمدار، پسيحولوگيالىق- مەديتسينالىق ءارى پەداگوگيكالىق كونسۋلتاتسيالار، پسيحولوگيالىق- پەداگوگيكالىق تۇزەۋ كابينەتتەرى، وڭالتۋ ورتالىقتارى 18 - مامىردان جۇمىسىن باستادى جوسپارلاپ وتىر.

سوڭعى جاڭالىقتار