كوروناۆيرۋس جۇقتىرعان 18 ناۋقاستىڭ جاعدايى اۋىر

نۇر- سۇلتان. قازاقپارات - الماتىدا جاتقان پاتسيەنتتەردىڭ ءبىرىنىڭ جاعدايى اسا اۋىر، دەپ حابارلايدى قازاقپارات ءتىلشىسى.

«قازىر ستاتسيونارلىق ەمدى 712 پاتسيەنت قابىلداپ جاتىر. الماتىدا جاتقان پاتسيەنتتەردىڭ ءبىرىنىڭ جاعدايى اسا اۋىر. 17 ناۋقاستىڭ جاعدايى اۋىر. 107 ناۋقاس اۋىرلىعى ورتاشا دەڭگەيدە جاتىر. ءبىراق كوروناۆيرۋس جۇقتىرۋ جاعدايلارىنىڭ 80 پايىزىندا - 587 ناۋقاس سيمپتومسىز نەمەسە اۋرۋدى جەڭىل كوتەرگەندەر»، - دەدى دەنساۋلىق ساقتاۋ مينيسترلىگىنىڭ جاۋاپتى حاتشىسى بوتاگوز جاقسەلەكوۆا و ك ق- دا وتكەن باسپا ءسوز ءماسليحاتىندا.

مينيسترلىك وكىلىنىڭ ايتۋىنا قاراعاندا، وسىعان دەيىن كوروناۆيرۋس ينفەكسياسىن جۇقتىرعان ازاماتتارمەن قارىم-قاتىناستا بولعان 21 مىڭعا تارتا ازامات انىقتالعان.

«ولاردىڭ 99 پايىزى انىقتالىپ، تابىلىپ، وقشاۋلاندى. اۋرۋدىڭ تىركەلۋ قارقىنى بۇكىل ەلدە كارانتين ءتارتىبى ەنگىزىلگەلى بەرى 29 - ناۋرىزداعى 29 پايىزدىق دەڭگەيدەگى جاعدايمەن سالىستىرعاندا 7 پايىزعا دەيىن تومەندەدى. بۇل جاعداي قاتاڭ كارانتين شارالارىنىڭ تيىمدىلىگىن كورسەتەدى»، - دەدى ول. بوتاگوز جاقسەلەكوۆا كەيىنگى كۇندەرى نۇر- سۇلتان مەن الماتى قالالارىندا كوروناۆيرۋس جۇقتىرۋ جاعدايلارىنىڭ ايتارلىقتاي تومەندەگەنىن جەتكىزدى. بۇل دا شەكتەۋ شارالارىنىڭ كۇشەيتىلۋىمەن تىكەلەي بايلانىستى بولىپ وتىر.