+7 (701) 759 90 19
20 °С : نۇر-سۇلتان
21 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ەلوردادا 18 جاسقا دەيىن بالالار قوعامدىق كولىكتە تەگىن جۇرەدى

27 اقپان 16:46
:ءبولىسۋ
ەلوردادا 18 جاسقا دەيىن بالالار قوعامدىق كولىكتە تەگىن جۇرەدى

نۇر-سۇلتان. قازاقپارات – ەلوردانىڭ 18 جاسقا دەيىنگى تۇرعىندارى قوعامدىق كولىكتە تەگىن قاتىنايتىن بولادى، دەپ حابارلايدى «حابار 24».

جاڭاشىلدىق ناۋرىز ايىنىڭ سوڭىندا ەنگىزىلەدى. بۇل تۋرالى «CTS» باسقارما ءتوراعاسى بەكمىرزا يگەنبەردينوۆ حابارلادى.

ءبىراق كامەلەتتىك جاسقا تولماعان بالالار قۇنى 500 تەڭگە بولاتىن جەڭىلدىك كارتاسىن الۋعا مىندەتتەلەدى. ياعني ءار ساپار سايىن ۆاليداتسيا جاساۋى ءتيىس. وسىلايشا، كومپانيا جولاۋشىلار تاسىمالىن باقىلاي الادى. بۇعان دەيىن بالالارعا جولاۋشىلار اقىسىنىڭ تەڭ جارتىسىن تولەۋ مىندەتتەلىپ كەلگەن. جەڭىلدىكتى قالا ماڭىنداعى اۋىل بالالارى دا پايدالانا الادى.

ەسكە سالا كەتەيىك، بۇگىننەن باستاپ «Astana LRT» كومپانياسىنىڭ اتاۋى وزگەردى. كومپانيانىڭ جاڭا اتاۋى قوعامدىق كولىكتى دامىتۋعا ارنالعان كونفەرەنسيادا تانىستىرىلدى.

«قالا باسشىلىعى كومپانيا اتاۋىن وزگەرتۋ تۋرالى شەشىم قابىلدادى. ءبىز بارىنشا ىڭعايلى جانە كومپانيا قىزمەتىنە ساي كەلەتىن اتاۋ ىزدەدىك. ءسويتىپ، City Transportation Systems دەگەن اتاۋدى تاڭدادىق. اۋدارماسى - قالالىق كولىك جۇيەلەرى»، - دەيدى ەگەنبەردينوۆ.

ونىڭ سوزىنە قاراعاندا، لوگوتيپكە جاسىل ءتۇس تە ادەيى تاڭدالدى. سەبەبى كومپانيا جاسىل تەحنولوگيالاردى دامىتۋعا مۇددەلى. وسىلايشا، بۇگىننەن باستاپ «Astana LRT» ج ش س

«CTS» (City Transportation Systems) كومپانياسى دەپ اتالادى. جۋرناليستەرگە سۇحبات بەرگەن كومپانيا باسشىسى اتاۋدى وزگەرتۋ باستاماسى بۇعان دەيىن بولعان جەمقورلىق فاكتىلەرىنە قاتىستى ەمەس دەدى. ەگەنبەردينوۆ رەبرەندينگكە كەتەتىن اقشانىڭ سوماسىن اتاعان جوق. ءبىراق لوگوتيپ ازىرلەۋگە 100 مىڭ تەڭگە جۇمسالعانىن ايتتى.

www.24.kz



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات