قازاقپارات كۇنتىزبەسى. 18-قاراشا
ەستە قالار وقيعالار
1997 -جىلى ۆاشينگتونعا ق ر پرەزيدەنتى ن. نازاربايەۆتىڭ ساپارى بارىسىندا «قاراشىعاناق» مۇناي- گاز كەنىشى جونىندەگى كەلىسىمگە قول قويىلدى. پايدا ۇلەسىنىڭ %80 ى قازاقستانعا تيەسىلى بولدى. 1999 -جىلى استانا قالاسى كوشەلەرىنىڭ بىرىنە جازۋشى قوشكە كەمەڭگەر ۇلىنىڭ ەسىمى بەرىلدى. 1999 -جىلى قاراعاندى وبلىسىنىڭ ۋليانوۆ ەلدى مەكەنىندە بۇقار جىراۋعا ەسكەرتكىش ورناتىلدى.
2013 -جىلى تۇركيانىڭ سامسۋن قالاسىنداعى ۇلكەن ساحنادا تانىمال قازاق كومپوزيتورى مۇقان تولەبايەۆتىڭ شىعارماسى - «ءبىرجان مەن سارا» وپەراسى ۇسىنىلدى.
2014 -جىلى چەدجۋدە (وڭتۇستىك كورەيا) حالىقارالىق بوكس قاۋىمداستىعىنىڭ كونگرەسىندە وتاندىق بوكسقا ارنالعان تاريحي وقيعا ورىن الدى - العاش رەت ۇيىم تاريحىندا AIBA ۆيتسە- پرەزيدەنتتىگى لاۋازىمىنا قازاقستاننىڭ ەكى وكىلى - تيمۋر قۇلىبايەۆ پەن سەرىك قوناقبايەۆ سايلاندى.
2014 -جىلى الماتىداعى «كوكقاينار» شاعىن اۋدانىنىڭ ماڭىندا الاتاۋ اۋدانى اۋماعىندا قالانىڭ تاريحي مۇراجايلارىنىڭ ارحەولوگتارى مەن ماماندارى قورعانداردىڭ بىرىنەن ءبىزدىڭ داۋىرىمىزگە دەيىنگى IV- V عاسىرلارداعى ايەلدىڭ سۇيەگى تابىلدى. جادىگەردىڭ بىرەگەيلىگىن مولادا بولعان زاتتار مەن جەرلەۋ ەرەكشەلىكتەرىنەن بايقاۋعا بولادى. سونىمەن، ونىڭ جانىنان قۇمنان جاسالعان ىلىس، قۇرباندىققا سويىلعان قوي سۇيەگى، ۇلكەن قولا جۇزىك، شاش جينايتىن تۇيرەۋىش، قولادان جاسالعان اينا تابىلدى. مۇنداي ەجەلگى اينانىڭ سانى قازاقستان بويىنشا 10 عا جەتەر-جەتپەس.
2014 -جىلى قازاقستان استرونومياسىنىڭ دامۋ كەزەڭدەرىنەن سىر شەرتەتىن «استرونوميا» دەگەن اتپەن قازاق تىلىندەگى العاشقى ۇلكەن ەنسيكلوپەديا جارىق كوردى.
2015 -جىلى مەملەكەت باسشىسى نۇرسۇلتان نازاربايەۆ بەس ينستيتۋتسيونالدىق رەفورمالاردى ىسكە اسىرۋ بويىنشا 100 ناقتى قادام ۇلت جوسپارىنىڭ مەملەكەت، جۇمىس بەرۋشى، ازاماتتاردىڭ ورتاق جاۋاپكەرشىلىگى قاعيداتىنىڭ نەگىزىندە مىندەتتى الەۋمەتتىك ساقتاندىرۋدى ەنگىزۋ بولىگىن ىسكە اسىرۋعا باعىتتالعان «مىندەتتى الەۋمەتتىك مەديتسينالىق ساقتاندىرۋ تۋرالى» قازاقستان رەسپۋبليكاسىنىڭ زاڭىنا قول قويدى.
2016 -جىلى ماسكەۋدە وتكەن ەڭ ۇزدىك تۋريستىك باعىتتار ايقىندالاتىن «National Geographic Traveler Awards - 2016» بايقاۋىنىڭ قورىتىندىسى بويىنشا قازاقستاننىڭ استاناسى «بولاشاقتىڭ قالاسى» ارنايى اتالىمىن جەڭىپ الدى.
2017 -جىلى قازاقستاندىق مەكتەپ وقۋشىلارى كوستا- ريكادا وتكەن WRO-2017 روبوت تەحنيكاسى بويىنشا بۇكىل الەمدىك وليمپيادادا ۇزدىك ناتيجە كورسەتتى. وندا راتمير سارتبايەۆ پەن انەل كارىمعالي جاساعان ءورت ءسوندىرۋشى روبوت شىعارماشىلىق ساناتتاعى ۇزدىك جوبالاردىڭ ءبىرى اتاندى.
World Robot Olympiad - روبوت تەحنيكاسى بويىنشا 10-21 جاس ارالىعىنداعى جاستار مەن وقۋشىلارعا ارنالعان باستى حالىقارالىق بايقاۋ. وليمپيادا 2004 -جىلدان بەرى وتكىزىلىپ كەلەدى.
اۆتور: اقبوپە ءابدراسۋل