+7 (701) 759 90 19
1 °С : نۇر-سۇلتان
4 °С : الماتى
USD 388.70 EUR 428.70
RUB 6.08 CNY 55.46
جاڭالىقتار

نۇر-سۇلتاندا جىلۋ باعاسى 18 پايىزعا قىمباتتاۋى مۇمكىن

25 قىركۇيەك 13:33
:ءبولىسۋ
نۇر-سۇلتاندا جىلۋ باعاسى 18 پايىزعا قىمباتتاۋى مۇمكىن

نۇر-سۇلتان. قازاقپارات - ەلوردادا جىلۋعا جاۋاپتى «استانا-تەپلوترانزيت» ا ق 2020-جىلدىڭ 1- قاڭتارىنان باستاپ تاريفتى 18 پايىزعا كوتەرۋدى سۇراعالى وتىر.

بۇل تۋرالى تىلشىلەرگە ارنالعان باسپا ءسوز تۋرىندا «استانا-تەپلوترانزيت» ا ق باسشىسىنىڭ ەكونوميكا جانە قارجى جونىندەگى ورىنباسارى رۋسلان ارالباي ءمالىم ەتتى، دەپ حابارلايدى قازاقپارات ءتىلشىسى.

«وزدەرىڭىز بىلەتىندەي، ءبىز بەس جىلعا - 2016-2020-جىلدارعا بەكىتىلگەن تاريفتەردىڭ شەكتى باعاسى بويىنشا جۇمىس جۇرگىزەمىز. 2017-جىلدان باستاپ تاريفتەردى ءوز بەتىمىزشە تومەندەتتىك. ياعني، 2017-جىلى 3 پايىزعا، 2018-جىلى 4 پايىزعا، 2019-جىلعا 10 پايىزعا ازايتتىق. البەتتە، سوڭعى جىلدارى ءبىرشاما نىسانداردى پايدالانۋعا بەردىك. الايدا ودان بەرى بىزگە جاڭا اكتيۆتەر كەلىپ، تيىسىنشە، مۇلىكتەر بويىنشا سالىقتىق جانە امارتيزاتسيالىق اۋدارىمداردى تولەۋگە تۋرا كەلدى. ءبىراق، بەكىتىلگەن تاريفتەردە ول شىعىنداردىڭ ءبارى ەسەپكە الىنباعان ەدى. ال بەكىتىلگەن تاريفتى قايتا قاراۋ مۇمكىندىگى بىزگە بەرىلمەيدى. تەك كەلەسى جىلى عانا بەس جىلدىق تاريف بويىنشا ءوتىنىم بەرەتىن بولامىز»، - دەدى رۋسلان ارالباي.

كومپانيا وكىلىنىڭ ايتۋىنا قاراعاندا، قازىرگى ۋاقىتتا جىلۋ تاريفىنىڭ باعاسى «استانا-تەپلوترانزيت» ا ق قىزمەتىنىڭ وزىندىك قۇنىنان تومەن.

«قازىرگى تاڭدا تاريفتىڭ مولشەرى - 1125 تەڭگە. 2020-جىلعا بەكىتىلگەن تاريف 1345 تەڭگە. ايىرماشىلىق - 18 پايىز. كاسىپورىن ءوزى جوسپارلاعان تابىستان جوعارى كىرىسكە يە بولعان كەزدە ءبىز تاريفتەردى تومەندەتەمىز. ايتسە دە، كەلەسى جىلى تاريفتى تومەندەتەتىندەي مۇنداي رەزەرۆ كاسىپورىندا جوق. كەرىسىنشە، وزىندىك قۇننىڭ مولشەرى تاريفتەن جوعارى شىعىپ كەتىپ وتىر»، - دەدى ول.

رۋسلان ارالبايدىڭ سوزىنە سەنسەك، «استانا-تەپلوترانزيت» كومپانياسىنىڭ شىعىندارى اشىق تۇردە جاريالانىپ كەلەدى.

«بىزدە 70 پايىزدىق تۇراقتى شىعىن بار. ەكونوميست ادام بولسا، بىردەن ۇعىنىقتى: شىعىنداردىڭ 26 پايىزى جۇمىسشىلارعا، نورماتيۆتى شىعىندارعا 22 پايىزى، امارتيزاتسيا مەن سالىقتارعا 18 پايىزى كەتەدى. بۇدان بولەك، ماتەريالدىق شىعىندار مەن جوندەۋ جۇمىستارىنا شىعاتىن شىعىن بار. البەتتە، ۋاقىت تالابىنا ساي سيفرلاندىرۋ مەن اۆتوماتتاندىرۋ جۇيەلەرىنە كوشۋگە تىرىسىپ باعۋدامىز. جۇمىسشىلاردى قىسقارتۋ ەسەبىنەن شىعىندار ازداپ قىسقارادى. الايدا وڭتايلاندىرۋدىڭ دا شەگى بار. سەبەبى، قىسقارتا بەرسەك، سەنىمدىلىككە بۇل دا اسەرىن تيگىزەرى حاق. 2019-جىلى «استانا-تەپلوترانزيت» كومپانياسى 900 ميلليون تەڭگە شىعىن شىعارعالى وتىر. كوبى امارتيزاتسيا مەن سالىقتارعا جۇمسالادى»، - دەدى ول.

سونىمەن بىرگە، كومپانيا وكىلى 2020-جىلى ەلوردادا جىلۋ ءتاريفى بويىنشا ناقتى قانداي وزگەرىستەر بولۋى مۇمكىن ەكەنىن ءسوز ەتتى.

«بىزگە قولدانۋعا قۇقىق بەرەتىن بەكىتىلگەن تاريف بار. ونىڭ باعاسى - 1345 تەڭگە. قازىرگى تاڭدا تاريف - 1125 تەڭگە. ءبىز ءتاريفتى كوتەرۋدى 18 پايىزعا سۇرايتىن بولامىز»، - دەدى رۋسلان ارالباي.

ەسكە سالا كەتسەك، بۇعان دەيىن «استانا-تەپلوترانزيت» ا ق باسشىسىنىڭ قۇرىلىس جونىندەگى ورىنباسارى قۇرمانعازى نۇعىمانوۆ استانانىڭ جىلۋ ماگيسترالدارىن جاڭعىرتۋ جۇمىستارى 1- قازاندا اياقتالاتىنىن ءمالىم ەتكەن ەدى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات