10:30, 06 - تامىز 2019 | GMT +6
الەمدىك بوكس جۇلدىزى ءوز قىزىن زورلاعانى ءۇشىن 18 جىلعا سوتتالدى
نۇر-سۇلتان. قازاقپارات – اۋىر سالماقتاعى ارگەنتينانىڭ بۇرىنعى چەمپيونى كارلوس بالدومير قىزىنا زورلىق جاساعانى ءۇشىن 18 جىلعا سوتتالدى.
بۇل تۋرالى worldboxingnews.net جازدى، - دەپ حابارلايدى ر ي ا نوۆوستي.
پروكۋروردىڭ قورىتىندىسىنا قاراعاندا، بالدومير الدىمەن ءوزىنىڭ قىزىن سەگىز-توعىز جاسىندا قورلاعان. العاش رەت 48 جاستاعى ەكس-بوكسشىنىڭ ۇستىنەن بۇرىنعى ايەلى شاعىم تۇسىرگەن. سوتتا بارلىعى 14 كۋاگەر ايعاق بەردى.
سوت وتىرىسى كەزىندە بالدومير جۋرناليستەرگە جۇدىرىعىن الا جۇگىرىپ، سوت پروتسەسىنە قاتىسۋشىلارعا ورتاڭعى ساۋساعىن كورسەتكەن.
بالدومير سپورتتىق مانسابىن 2014-جىلى اياقتاعان. ونىڭ قازىرگە دەيىن 49 جەڭىسى، 16 جەڭىلىسى جانە التى ويىنىندا تەڭ تۇسكەن، 2006-جىلى بالدومير امەريكاندىق فلويد مەيۆەزەرمەن كەزدەسىپ، جەڭىلىس تاپتى.