+7 (701) 759 90 19 Лента
31 °С : نۇر-سۇلتان
28 °С : الماتى
USD 386.34 EUR 427.25
RUB 5.88 CNY 54.57
جاڭالىقتار

بوكستان پرەزيدەنت كۋبوگى: قازاقستاندىقتار 18 مەدال ەنشىلەدى

21 شىلدە 14:58
:ءبولىسۋ
بوكستان پرەزيدەنت كۋبوگى: قازاقستاندىقتار 18 مەدال ەنشىلەدى

نۇر-سۇلتان. قازاقپارات - ەلوردادا پرەزيدەنت كۋبوگىنا ارنالعان بوكس تۋرنيرى ءوز مارەسىنە جەتتى، دەپ حابارلايدى قازاقپارات.

ۇلتتىق وليمپيادا كوميەتەتىنىڭ حابارلاۋىنشا، قازاقستان ەرلەر كومانداسى پرەزيدەنت كۋبوگىنا ارنالعان بوكس تۋرنيرىن جارىستى 18 جۇلدەمەن اياقتاعان. ونىڭ جەتەۋ - التىن.

اتاپ ايتساق، 52 كەلىدە ساكەن بيبوسىنوۆ ۇزدىك اتانسا، 57 كەلىدە رۋستام رۋستاموۆ جەڭىس تۇعىرىنا كوتەرىلگەن. 69 كەلىدە كانىگى بوكسشى ابىلايحان ءجۇسىپوۆ توپ جارسا، 75 كەلىدە ازيا چەمپيونى تۇرسىنباي قۇلاحمەت ەل نامىسىن اسقاقتاتقان. ەرىك ءالجانوۆ 81 كەلىدە جەڭىمپاز اتانعان. 91 كەلىدە جاس بوكسشى ايبەك ورالباي وسى سالماقتى فاۆوريتى سانالاتىن ۆاسيلي لەۆيتپەن جۇدىرىقتاسقان بولاتىن. تاجىيربەلى ۆاسيلي لەۆيت تۋرنير چەمپيونى اتاندى. اسا اۋىر سالماقتا كوماندا كاپيتانى قامشىبەك قوڭقابايەۆتىڭ مىسى بارىنەن باسىم بولدى.

تۋرنيردىڭ 7 كۇمىس مەدالى دە قازاقستاندا قالاتىن بولدى. ماحمۇت سابىرحان (52 كەلى)، ءىلياس سۇلەيمەنوۆ (57 كەلى)، زاكىر سافيۋللين (63 كەلى)، تالعات شايكەن (69 كەلى)، بەكزات نۇرداۋلەتوۆ (81 كەلى)، ايبەك ورالباي (91 كەلى) جانە نۇرلان ساپارباي (+91 كەلى) فينالدا عانا سۇرىنگەن.

«تۋرنير جوعارى دەڭگەيدە ءوتتى. كورسە كوز توياتىن جەكپە-جەكتەر كوپ بولدى. بۇل سىندا ابىلايحان ءجۇسىپوۆ ءوز مىقتىلىعىن دالەلدەدى. فينالدا جاس سپورتشى تالعات شايكەنمەن كەزدەستى. شىنى كەرەك، ءجۇسىپوۆتىڭ مىقتىلىعى كوزگە ۇرىپ تۇردى. 75 كەلىدە تۇرسىنباي قۇلاحمەت جاقسى قىرىنان تانىلدى. قامشىبەك قوڭقابايەۆ پەن ۆاسيلي لەۆيت تە ۇزدىكتەر قاتارىندا. اسىرەسە، ازيا چەمپيوناتىنداعى جەڭىلىستەن سوڭ لەۆيتتىڭ بابىنا كەلگەنى بايقالادى. فينالدا ايبەك ورالبايمەن جۇدىرىقتاسىپ، جەڭىسكە جەتتى. ارينە، ايبەك تە بەرىلە سالعان جوق. الايدا، وعان فيزيكالىق تۇرعىدان ءالى دايىندىق كەرەك. 57 كەلى جانە 81 كەلىدە ناقتى كوشباسشى جوق. ماماندارمەن تاعى دا اقىلداسۋ قاجەت»، - دەيدى كوماندانىڭ باس باپكەرى عالىمبەك كەنجەبايەۆ.

قورجىندا تاعى 4 قولا بار. ولجاس باينيازوۆ 52 كەلىدە، قايرات ەراليەۆ 57 كەلىدە، ابزال قۇتتىبەكوۆ 91 كەلىدە، نۇربولات سەرماحانوۆ 91 كەلىدەن جوعارى سالماقتا ۇزدىك ۇشتىكتەن كورىندى. حالىقارالىق تۋرنيردىڭ «ۇزدىك بوكسشى» اتاعىن ماحمۇت سابىرحان الىپ قالدى.


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات