تانىمالى فيلىم «تاقتار تالاسىنىڭ» سوڭعى ماۋسىمىن 18 ميلليون ادام كورگەن

نۇر- سۇلتان. قازاقپارات - Game of Thrones جانكۇيەرلەرى سسەناريستەرگە كوڭىلى تولماعاندارىن ايتىپ، سەگىزىنشى ماۋسىمدى قايتا ءتۇسىرۋدى تالاپ ەتىپ پەتيتسيا جاريالادى.

 change.org سايتىندا جاريالانعان پەتيتسياعا بىرنەشە كۇندە ميلليونعا جۋىق ادام قول قويعان، دەپ جازادى tellerreport.com.

«تاقتار تالاسى» سەريالىنىڭ جانكۇيەرلەرى سسەناريستەر دەۆيد بەنيوفف پەن د. ب. ۆەيسستىڭ جۇمىسىنا نارازىلىق ءبىلدىردى. ولاردىڭ ايتۋىنشا، كينەماتوگرافيستەر فانتاستيكالىق ساگانىڭ سوڭىن لايىقتى اياقتاي الماعان»، دەپ جازادى باسىلىم.

اۆتوردىڭ ايتۋىنشا، پەتيتسيا جاريالانعان بەتتە وعان بىردەن 480 مىڭ ادام قول قويعان.

«سوعان قاراماستان سوڭعى ماۋسىم كورىلىم سانى بويىنشا رەكورد كورسەتكەن. سەگىزىنشى ماۋسىمنىڭ بەسىنشى سەرياسىن 18,4 ميلليون ادام كورگەن»، دەپ جازادى اۆتور. ونىڭ ايتۋىنشا، سەريالدىڭ جاڭا ماۋسىمىن كورەرمەندەردىڭ 42 پايىزى عانا وڭ باعالاعان. ال وتكەن ماۋسىمدا بۇل كورسەتكىش % 71 قۇراعان ەدى.

 ايتا كەتۋ كەرەك، «تاقتار تالاسى» سەريالى سوڭعى جىلدارداعى ەڭ تانىمال تەلەجوبالاردىڭ ءبىرى سانالادى. سەريال دجون مارتيننىڭ A Song of Ice and Fire اتتى رومان جەلىسىمەن تۇسىرىلگەن جانە ون جىلدىڭ كولەمىندە كورەرمەندەردىڭ قىزىعۋشىلىعىنا بولەنىپ كەلەدى. روماندا ويدان قۇراستىرىلعان ەكى كونتينەنت اراسىنداعى باسەكە، ۆەستەروس پاتشالىعىنىڭ بيلىگىنە تالاس ءسوز بولادى. شىعارمادا ارعى بەتتەگى كۇشتەردىڭ باسقىنشىلىعى ادامزاتتىڭ جويىلۋىنا قاۋىپ توندىرەدى.

اۆتور: ايكۇمىس بولاتبەك