11:30, 08 - مامىر 2018 | GMT +6
ىستىقكول وبلىسىنداعى شيپاجايدا 18 ادام ۋلاندى
استانا. قازاقپارات - قىرعىزستاننىڭ ىستىقكول وبلىسىنداعى «اۆرورا» شيپاجايىندا 18 ادام ۋلاندى، ونىڭ ىشىندە جەتەۋى شەتەلدىك سپورتشى.
بۇل تۋرالى «كابار» اگەنتتىگىنە قىرعىزستاننىڭ دەنساۋلىق ساقتاۋ مينيسترلىگى حابارلاعان.
كەشە 13 ادامنىڭ اۋرۋحاناعا تۇسكەنى ءمالىم بولدى. تۇندە تاعى 5 ادام ەمدەۋ مەكەمەسىنە جەتكىزىلگەن.
«زارداپ شەككەندەردىڭ اراسىندا 11 ءى قىرعىزستاندىق، بىرەۋى يراندىق جانە اراب امىرلىكتەرىنىڭ 6 ازاماتى بار» ، - دەپ ءتۇسىندىردى دەنساۋلىق ساقتاۋ مينيسترلىگىندە.
زارداپ شەگۋشىلەر تاماقتان ۋلانۋى مۇمكىن.
«قازىر اناليز جۇرگىزۋ ءۇشىن بارلىق سىنامالار الىندى. اۋرۋحاناعا تۇسكەن ازاماتتاردىڭ جاعدايلارى ءبىرقالىپتى» ، - دەدى ۆەدومستۆودا.