+7 (701) 759 90 19 Лента
15 °С : نۇر-سۇلتان
13 °С : الماتى
USD 386.77 EUR 427.26
RUB 6.00 CNY 54.56
جاڭالىقتار

بيىل ابايدىڭ 1889-جىلى جازعان 10 ولەڭىنە 130 جىل تولادى

23 تامىز 10:56
:ءبولىسۋ
بيىل ابايدىڭ 1889-جىلى جازعان 10 ولەڭىنە 130 جىل تولادى

نۇر-سۇلتان. قازاقپارات - بيىل ابايدىڭ 1889-جىلى جازعان 10 ولەڭىنە 130 جىل تولادى. وسىعان قاراي بۇگىن ق ر ۇلتتىق اكادەميالىق كىتاپحاناسىندا «اباي پوەزياسىنا 130 جىل» تاقىرىبىندا دوڭگەلەك ۇستەل وتەدى، دەپ حابارلايدى كىتاپحانانىڭ باسپا ءسوز قىزمەتى.

اتالمىش ءىس-شارا بارىسىندا عالىم-ابايتانۋشىلار ءسوز سويلەپ، ۇلى اقىننىڭ بۇگىنگى جانە ەرتەڭگى كۇننىڭ بەينەسى بولىپ تابىلاتىن تاقىرىپتار مەن شىعارمالارىنىڭ سيۋجەتتەرى تالقىلانىپ، تالداۋ جاسالادى.

اتاپ ايتقاندا، «ەسىڭدە بار ما، جاس كۇنىڭ»، «جۇرەگىم مەنىڭ قىرىق جاماۋ»، «ادام ءبىر بوق كوتەرگەن بوقتىڭ قابى»، «كۇشىك اسىراپ ءيت ەتتىم»، «سۇيسىنە المادىم، سۇيمەدىم»، «ءدۇتبايعا» (جىلۋى جوق بويىنىڭ)، «نۇرلى اسپانعا تىرىسىپ وسكەنسىڭ سەن»، م. لەرمونتوۆتان اۋدارعان «جالاۋ»، «جارتاس» جانە «جۇرەكتە كوپ قازىنا بار ءبارى جاقسى» اتتى ولەڭدەرى بار.

«دانا ابايدىڭ تۋىندىلارىنىڭ ءارقايسىسى جەكە زەرتتەۋگە، ارنايى كوسىلىپ جازۋعا سۇرانىپ تۇرعان رۋحاني قازىنا. اباي ولەڭدەرىنىڭ ماڭىزى وتە زور، وندا اقىننىڭ بۇكىل ءومىرى بەينەلەنگەن، جارقىن بولاشاعى مەن ارماندارى تۋرالى باياندالادى. ونىڭ ۋايىمداتقان ماسەلەلەرى قازىرگى زامانعا ساي كەلەدى. ادامداردى ادامگەرشىلىك، يماندىلىق، گۋمانيزم جانە بەيبىتشىلىك ماسەلەلەرى ءالى كۇنگە دەيىن الاڭداتىپ كەلەدى. بۇل اقىننىڭ كوركەم ءسوزىنىڭ قۇدىرەتى. ابايدىڭ شىعارماشىلىعى تاڭعاجايىپ كۇش، كەرەمەت تەرەڭدىك پەن جان-جاقتى بولىپ كەلەدى»، - دەپ جازادى كىتاپحانا وكىلدەرى.

ءىس-شاراعا ابايتانۋشى، عالىم، فيلولوگيا عىلىمدارىنىڭ دوكتورى، پروفەسسور مەكەمتاس مىرزاحمەت ۇلى، ابايتانۋشى، مەملەكەت قايراتكەرى، ساياسي عىلىمدارىنىڭ دوكتورى، پروفەسسور ابدىجالەل باكىر، اقىن، ابايتانۋشى الماحان مۇحامەتقالي قىزى، فيلولوگيا عىلىمدارىنىڭ كانديداتى ەربول تىلەشوۆ، اقىن، فيلولوگيا عىلىمدارىنىڭ دوكتورى ساعىمباي جۇماعۇلوۆ، اقىن، ابايتانۋشى، «شابىت» حالىقارالىق فەستيۆالىنىڭ لاۋرەاتى ىقىلاس وجاي ۇلى جانە ت. ب. قاتىسادى.


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات