+7 (701) 759 90 19 Лента
16 °С : استانا
12 °С : الماتى
USD 326.00 EUR 382.20
RUB 5.29 CNY 51.05
جاڭالىقتار

قازاقستاندا بيىل مەملەكەتتىك قىزمەتتىڭ 187 ءتۇرى ەلەكتروندى فورماتقا اۋىستىرىلادى

17 ءساۋىر 15:27 253
:ءبولىسۋ
قازاقستاندا بيىل مەملەكەتتىك قىزمەتتىڭ 187 ءتۇرى ەلەكتروندى فورماتقا اۋىستىرىلادى

 استانا. قازاقپارات - قازاقستاندا بيىل مەملەكەتتىك قىزمەت كورسەتۋدىڭ تاعى 187 ءتۇرى ەلەكتروندى فورماتقا اۋىستىرىلادى.

بۇل تۋرالى بۇگىنگى ۇكىمەت وتىرىسىندا «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما ءتوراعاسى ابىلايحان وسپانوۆ ءمالىم ەتتى، دەپ حابارلايدى «قازاقپارات» ح ا ا ءتىلشىسى.

«2017 -جىلى «ەلەكتروندى ۇكىمەت» پورتالى بويىنشا ازاماتتارعا 34 ميلليونعا جۋىق قىزمەت كورسەتىلگەن. سونىمەن قاتار، ءبىز جاساعان تالداۋ ناتيجەسىندە مەملەكەتتىك قىزمەتتەردى كورسەتۋ كەزىندەگى بىرنەشە پروبلەمانى انىقتادىق. ءبىرىنشىسى - قىزمەتتەردى قاعاز نۇسقاسىندا كورسەتۋدىڭ ساقتالۋى. ءالى دە جىل سايىن 50 ميلليون استام مەملەكەتتىك قىزمەت قاعاز تۇرىندە كورسەتىلەدى. ەكىنشىسى - قاجەتتى انىقتامالاردىڭ كوپتىگى. مەملەكەتتىك ورگاندارعا جانە جەكە ۇيىمدارعا جىل سايىن 26 ميلليوننان استام ەلەكتروندى انىقتامالار ۇسىنىلادى. كەلەسى ماسەلە - ءبىر قىزمەتتى الۋ ءۇشىن باسقا دا قىزمەتتى الۋدىڭ قاجەتتىلىگى» ، - دەدى ول.

مەملەكەتتىك كورپوراتسياسىنىڭ باسقارما ءتوراعاسى سونىمەن بىرگە ۇكىمەت وتىرىسىندا اتالعان ماسەلەلەردى شەشۋدىڭ جولدارىن ۇسىندى.

«ەندى ولاردى شەشۋگە بولاتىنىن قاراستىرايىق. بۇل جەردە وتىرعان پرەمەر- ءمينيستردىڭ ورىنباسارى اسقار جۇماعاليەۆتىڭ توراعالىعىمەن جۇمىس جاساپ جاتقان ۆەدومستۆولىق كوميسسيانىڭ قىزمەتى ماڭىزدى. ماسەلەن، قىركۇيەك ايىنان باستاپ كوميسسيانىڭ وتىرىسىندا 400 دەن استام قىزمەتتىڭ ءتۇرى قاراستىرىلدى. 346 قىزمەتتىڭ ءتۇرى ءبىرىنشى جارتىجىلدىقتىڭ اياعىنا دەيىن قاراستىرىلاتىن بولادى. ءتيىستى شارالار جوسپارلارى مەملەكەتتىك ورگاندارمەن ازىرلەنگەن» ، - دەيدى وسپانوۆ.

«ءبىرىنشىسى - «Digital by default» ، ياعني قىزمەتتەردى تەك ەلەكتروندى تۇردە كورسەتۋ. 2018 -جىلى 187 قىزمەت تۇرلەرى تەك ەلەكتروندى تۇردە كورسەتۋگە اۋىستىرىلادى. مىسال رەتىندە، ەلەكتروندى فورماتقا اۋىستىرىلاتىن قىزمەتتى كەلتىرۋگە بولادى. ول ءى ءى م- مەن بىرلەسە جاسالعان جوبا - ەلەكتروندى تىركەۋ. ءقازىر بۇل قىزمەتتى كورسەتۋ ۋاقىتى 2 ساعاتتى قۇرايدى. اگرەگاتتاردى سالىستىرۋ ءۇشىن سونىمەن قاتار مىندەتتى تۇردە مامانداندىرىلعان حالىققا قىزمەت كورسەتۋ ورتالىقتارىنا بارۋ قاجەت. ال وسى جىلدىڭ شىلدە ايىنان باستاپ ەشقايدا بارماي- اق، «ەلەكتروندى ۇكىمەت» پورتالىندا سمارت- كەلىسىم شارت جاساپ، ءتيىستى تولەمدەردى تولەپ، دايىن قۇجاتتاردى بارىپ الۋعا نەمەسە قازپوشتا ارقىلى ۇيگە الدىرتۋعا بولادى. ناتيجەسىندە، جىل سايىنعى اينالىمنان 6,4 ميلليون قاعاز قۇجاتتى الىپ تاستايمىز. مەملەكەت پەن ازاماتتار ءۇشىن جىل سايىن 550 ميلليون تەڭگە ۇنەمدەيمىز» ، - دەدى ابىلايحان وسپانوۆ.


باستى سوزدەر: قوعام,
:ءبولىسۋ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات