سوت «استانا- زەلەنستروي» ج ش س باس ديرەكتورىنا 185 ميلليون تەڭگە ايىپپۇل سالدى
بۇل تۋرالى قازاقپارات ق ر سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتىنە سىلتەمە جاساپ حابارلايدى.
باسپا ءسوز قىزمەتىنىڭ مالىمەتتەرىنە قاراعاندا، استانا قالاسى بايقوڭىر اۋدانىنىڭ №2-سوتىندا «استانا- زەلەنستروي» ج ش س باس ديرەكتورى ا. ناۋرىزالى «تابيعات- سەرۆيس ن س» ج ش س ديرەكتورىنىڭ ورىنباسارى س. كارلوۆادان جاسىل ەكپەلەردى كۇتىپ ۇستاۋ بويىنشا ارتىقشىلىق بەرگەنى جانە ورىندالعان جۇمىستار اكتىلەرىنە كەدەرگىسىز قول قويعانى ءۇشىن 9 ميلليون تەڭگە الۋ فاكتىسى بويىنشا ءىستى قاراۋ اياقتالدى.
بيىلعى 3-ناۋرىزداعى سوت ۇكىمىمەن ناۋرىزالى پارا العانى ءۇشىن كىنالى دەپ تانىلدى جانە وعان مەملەكەتتىك مەكەمەلەردە قىزمەت اتقارۋ قۇقىعىنان ايىرا وتىرىپ، پارانىڭ جيىرما ەسەلەنگەن سوماسى - 185 ميلليون تەڭگە مولشەرىندە ايىپپۇل تۇرىندە جازا تاعايىندالدى.
«كارلوۆقا سوت پارانىڭ ون بەس ەسەلەنگەن سوماسى - 135 ميلليون تەڭگە كولەمىندە ايىپپۇل سالدى»، - دەلىنگەن حابارلامادا.