ەۋرازيا ۇلتتىق ۋنيۆەرسيتەتىنىڭ 185 تۇلەگى ماگيستر اتاندى
ولار يندۋستريالدى ييننوۆاتسيالىق دامۋ مەملەكەتتىك باعدارلاماسى اياسىندا ءبىلىم العان، دەپ حابارلايدى 24.kz.
تۇلەكتەردىڭ 112 ءسى قۇرىلىس ماتەريالدارى، ونىمدەرى جانە قۇرىلىمدارى، ال 73 ءى عارىشتىق تەحنيكا مەن تەحنولوگيا ماماندىعى بويىنشا 1 جارىم جىل بويى بىلىمدەرىن شىڭدادى. سونداي-اق، وقۋ ورداسىندا باعدارلاماعا سايكەس 4 زەرتحانا اشىلعان.
زاماناۋي لابوراتوريالاردىڭ ارقاسىندا ماگيسترانتتار تەك تەوريانى جەتىك ءبىلىپ قانا قويماي، العان ءبىلىمىن تاجىريبە جۇزىندە پايدالانۋدى مەڭگەردى. ەندى قولىنا ديپلوم العان جاس ماماندار جۇمىسقا بەلسەنە كىرىسىپ، ەلىمىزدىڭ يندۋستريالدى دامۋىنا وزىندىك ۇلەسىن قوسپاق.
«ەلىمىزدىڭ دامۋىنا ءوز ۇلەسىمدى جەردى قاشىقتىقتان زوندتاۋ باعىتى بويىنشا قوسپاقشىمىن. سەبەبى ولار كوپتەن زەرتتەلمەي جاتىر. سوعان «قازاقستان عارىش ساپارىنىڭ» سۋرەتتەرى ارقىلى جانە دە ءوزىمىزدىڭ قورعانىس سالاسىنداعى توتەنشە جاعدايلار كوميتەتى وكىلدەرىنىڭ كومەگى ارقىلى بىزگە تونەتىن قاۋىپتەردىڭ الدىن الۋ بويىنشا اتقارىلاتىن جۇمىستارعا ۇلەسىمدى قوسقىم كەلەدى»، - دەيدى عارىشتىق تەحنيكا مەن تەحنولوگيا ماگيسترى ايگۇل يبراشەۆا.