اتىراۋعا جىل باسىنان بەرى 182 قانداسىمىز كوشىپ كەلدى

اتىراۋ. قازاقپارات - اتىراۋ وبلىسىنا بيىلعى جەتى ايدا جات جەردە ۇرپاق ءوربىتىپ، اتا ءداستۇرىن بەرىك ۇستانعان 123 وتباسى كوشىپ كەلدى، دەپ حابارلايدى قازاقپارات.

وسىلايشا، اتا-باباسىنىڭ تامىرى جايىلعان اتاجۇرتىنىڭ ءبىر ۋىس توپىراعىن اڭساپ جەتكەن 182 قانداستىڭ كوڭىلى ءبىر دەمدەلدى.

- قازاقستان رەسپۋبليكاسىنا تۇراقتى تۇرۋ ماقساتىمەن كەلگەن ەتنيكالىق قازاقتار قانداس مارتەبەسىن الدى. ونىڭ ىشىندە وزبەكستان رەسپۋبليكاسىنان 114 وتباسى (171 ادام)، قىتاي حالىق رەسپۋبليكاسىنان 7 وتباسى (9 ادام) جانە رەسەي فەدەراتسياسىنان 2 وتباسى (2 ادام) بار.

اتىراۋ قالاسىنا 100 وتباسى (147 ادام)، جىلىوي اۋدانىنا 20 وتباسى (32 ادام)، ال ماقات اۋدانىنا 3 وتباسى (3 ادام) قونىستانۋدى ۇيعاردى، - دەپ حابارلادى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ ماماندارى.