ءو ك م وپەراتورىنان 180 ميلليارد تەڭگە مەملەكەتكە قايتارىلدى
سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى ولجاس بەكتەنوۆ ۆەدومستۆونىڭ القا وتىرىسىندا وسىنداي دەرەك ايتتى، دەپ حابارلايدى قازاقپارات ءتىلشىسى.
«ەلىمىز بويىنشا 1300-دەن استام سىبايلاس جەمقورلىق قىلمىسى تىركەلدى. 800-دەن استام تۇلعانىڭ جەمقورلىعى اشكەرەلەندى. ولاردىڭ 140-ى ءتۇرلى دەڭگەيدەگى باسشىلار. اۋىر قىلمىستاردى انىقتاۋ 33 پايىزدان استام ءوستى. تەرگەۋ قورىتىندىسى بويىنشا 592 ءىس سوتقا جىبەرىلىپ، 357 جەمقور سوتتالدى. ەكونوميكالىق رەسۋرستاردى زاڭسىز شوعىرلاندىرۋعا جانە ولاردى مەملەكەت مەنشىگىنە قايتارۋعا بايلانىستى ىستەردى تەرگەۋ ەرەكشە باقىلاۋدا تۇر. قابىلدانعان شارالاردىڭ ناتيجەسىندە مەملەكەتكە 430 ميلليارد تەڭگە نەمەسە شامامەن 1 ميلليارد ا ق ش دوللارى سوماسىنا اكتيۆتەر قايتارىلدى»، - دەدى اگەنتتىك باسشىسى.
سونداي- اق، ول اتى شۋلى «ءو ك م وپەراتورىنىڭ» ىسىنە توقتالدى. «بۇل ءىس بويىنشا 180 ميلليارد تەڭگەدەن استام قاراجات جىمقىرۋعا جول بەرىلمەدى. ولار تولىقتاي مەملەكەتكە قايتارىلىپ، الەۋمەتتىك ماقساتتارعا جۇمسالىپ جاتىر. قۇنى 57 ميلليارد تەڭگە بولاتىن 600-دەن استام تەمىرجول كىرەبەرىستەرى مەملەكەت باقىلاۋىنا ءوتتى. اڭگىمە سالا وكىلدەرىنىڭ تىلىمەن ايتقاندا، «سوڭعى شاقىرىمدار» تۋرالى بولىپ وتىر»، - دەدى ولجاس بەكتەنوۆ.
اۆتور: ەسىمجان ناقتىباي