سولتۇستىك قازاقستاندا ايەلىن ۇرعان 180 ادام قاماۋعا الىندى
سقو پوليتسيا دەپارتامەنتى باسپا ءسوز قىزمەتىنىڭ مالىمەتىنشە، ءۇش ايدىڭ قورىتىندىسى بويىنشا ايەلدەرگە قاتىستى جاسالعان قىلمىستىق قۇقىق بۇزۋشىلىقتار %15,6 عا، سونداي-اق تۇرمىس سالاسىندا ايەلدەرگە قاتىستى جاسالعان قىلمىستار %83,3 عا تومەندەگەن. جالپى جىل باسىنان كەلىنشەكتەرىنە كۇش كورسەتكەن 560 قۇقىق بۇزۋشى اكىمشىلىك جاۋاپكەرشىلىككە تارتىلعان، 180 ى تۇتقىندالىپ، 64 ىنە ەسكەرۋ بەرىلگەن. وتباسىنىڭ بەرەكەسىن الاتىندارعا قاتىستى 853 قورعاۋ ۇيعارىمى شىعارىلعان، ال ونى بۇزعان 42 ادام جاۋاپقا تارتىلدى.
«ايەلدەردى زورلىق- زومبىلىقتان قورعاۋ جونىندەگى ءبولىمنىڭ WhatsApp مەسسەندجەرىندە 87084324561 ءنومىرى، سونداي-اق Telegram-دا «مەجدۋ نامي گوۆوريا» اقپاراتتىق- ءتۇسىندىرۋ ارناسى جۇمىس ىستەيدى. ەگەر دە ءسىز نەمەسە جاقىندارىڭىز تۇرمىستىق زورلىق- زومبىلىققا دۋشار بولعان جاعدايدا «102» جەدەل ارناسىنا نەمەسە ايەلدەردى زورلىق- زومبىلىقتان قورعاۋ جونىندەگى توبىنا 87152394856؛ 612530 تەلەفوندارى بويىنشا حابارلاسۋ قاجەت. سونداي-اق «ايەلدەردى قورعاۋ ورتالىعى» قوعامدىق بىرلەستىگى داعدارىس
ورتالىعىنىڭ 87152461326 سەنىم تەلەفونى جۇمىس ىستەيدى»، - دەيدى س ق و پوليتسيا دەپارتامەنتى جەرگىلىكتى پوليتسيا قىزمەتى باسقارماسى باستىعىنىڭ ورىنباسارى الەكساندر روزباح. جىل باسىنان سەنىم تەلەفونىنا كەلىپ تۇسكەن قوڭىراۋ بويىنشا 44 كەڭەس بەرىلگەن، 42 ادام اكىمشىلىك جاۋاپكەرشىلىكككە تارتىلدى.
جالپى س ق و-دا ءبىر اپتانىڭ ىشىندە 232 قىلمىستىق قۇقىق بۇزۋشىلىق تىركەلگەن، ونىڭ 208 ى اشىلعان. جاسالعان قىلمىستاردىڭ باسىم بولىگى، ياعني %50 دان استامى وبلىس ورتالىعىنا تيەسىلى. بىلتىرعى 20 قىلمىس اشىلدى. پەتروپاۆل پوليتسيانىڭ جەدەل باسقارۋ ورتالىعىنىڭ بەينەباقىلاۋ جۇيەسىن پايدالانا وتىرا، 303 اكىمشىلىك جانە 6 قىلمىستىق قۇقىق بۇزۋشىلىقتى انىقتالدى. وبلىس جولدارىندا 5 جول-كولىك وقيعاسى تىركەلگەن، 5 ادام جاراقات العان، ونىڭ ۇشەۋى - بالا. 16 ماس جۇرگىزۋشى ۇستالعان.