+7 (701) 759 90 19
-2 °С : نۇر-سۇلتان
-3 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

ءبىر مەزەتتە 180 مىڭ ادام لاتىن الىپبيىنەن ديكتانت جازدى

10 قىركۇيەك 12:58
:ءبولىسۋ
ءبىر مەزەتتە 180 مىڭ ادام لاتىن الىپبيىنەن ديكتانت جازدى

نۇر-سۇلتان. قازاقپارات - بۇگىن قازاقستان بويىنشا 180 مىڭ ادام لاتىن الىپبيىنەن ديكتانت جازدى، دەپ حابارلايدى قازاقپارات ءتىلشىسى.

تىلدەر كۇنى مەرەكەسىنە وراي ۇيىمداستىرىلعان شارا ەلدەگى مەكتەپتەر مەن جوعارى وقۋ ورىندارىندا، كىتاپحانالار مەن مادەنيەت وشاقتارىندا وتۋدە.

قازاقستان حالقى اسسامبلەياسىنىڭ ۇيىمداستىرۋىمەن قولعا الىنعان شارانىڭ ءبىرى ەلورداداعى ۇلتتىق اكادەميالىق كىتاپحانادا ءوتتى.

مەملەكەتتىك ورگاندار مەن جەكە مەنشىك كاسىپورىنداردان، وقۋ ورىندارىنان جينالعان 200 گە جۋىق قالا تۇرعىنى عالىم كامال الپەيىسوۆا وقىعان «2019 jyl - Jastar jyly» تاقىرىبىنداعى ءماتىندى لاتىن قارپىمەن 40 مينۋتتىڭ ىشىندە جازىپ شىقتى. ديكتانت جازۋشىلاردىڭ اراسىندا ق ر پارلامەنتى ءماجىلىسىنىڭ دەپۋتاتى گەننادي شيپوۆسكيح، ق ح ا «جاڭعىرۋ جولى» رەسپۋبليكالىق جاستار قوزعالىسىنىڭ ءتوراعاسى ماكسيم سپوتكاي سياقتى بەلسەندىلەر دە بار. ق ح ا ءتوراعاسىنىڭ ورىنباسارى جانسەيىت تۇيمەبايەۆ شارانىڭ كىتاپحاناعا جينالعان كوپشىلىكتى ايتۋلى شارامەن قۇتتىقتاپ، بەلسەندىلىكتەرى ءۇشىن العىس ءبىلدىردى.

«مەملەكەتتىك تىلدە جالپى قازاقستاندىق اشىق ديكتانت جازۋ - قازاقستان حالقى اسسامبلەياسىنىڭ ءتول جوباسى. ونىڭ ماقساتى قوعامىمىزدا حالىقتى ۇيىستىرۋشى فاكتور - مەملەكەتتىك ءتىلدى بىلۋگە قىزىعۋشىلىقتى ارتتىرىپ، قازاقستاندىق بىرەگەيلىكتى قالىپتاستىرۋ، قوعامدىق كەلىسىم مەن ەل بىرلىگىن نىعايتۋ. بۇگىن ءبىر مەزەتتە 180 مىڭ قازاقستاندىق لاتىن قارپىندە ديكتانت جازۋعا نيەت ءبىلدىردى. 2017-جىلى «ماڭگىلىك ەل» پاتريوتتىق اكتىسى قابىلدانعاندا، قازاقستان حالقى اسسامبلەياسى ەلىمىزدىڭ بارلىق ەلدى مەكەندەرىندە وسى پاتريوتتىق اكتىگە ارنالعان جالپى قازاقستاندىق اشىق ديكتانت وتكىزۋگە باستاما كوتەرگەن بولاتىن. 2018-جىلعى جالپى قازاقستاندىق ديكتانتتىڭ تاقىرىبى تاۋەلسىز قازاقستاننىڭ جاۋھارى - باس قالامىزدىڭ 20 جىلدىعىنا ارنالدى. بۇگىن وسى پاتريوتتىق جانە اعارتۋ اكتسياسىن جۇرگىزۋ ارقىلى قازاقستان حالقى اسسامبلەياسى ءارقايسىمىزدىڭ بويىمىزدا ناعىز قازاقستاندىق پاتريوتيزم سەزىمىن قالىپتاستىرۋدى ماقسات ەتەدى. ەلدىڭ جازۋ تاريحىنداعى جاڭا قادامدى قولداۋ ارقىلى ءبىزدىڭ بويىمىزدا وتانىمىزدى ءسۇيۋ، ساۋاتتى جازۋ، مەملەكەتتىك ءتىلدى قۇرمەتتەي ءبىلۋ قاسيەتتەرى تەرەڭدەي تۇسەرى انىق»، - دەدى جانسەيىت تۇيمەبايەۆ.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات