+7 (701) 759 90 19
-4 °С : نۇر-سۇلتان
-5 °С : الماتى
USD 378.60 EUR 417.75
RUB 6.13 CNY 54.58
جاڭالىقتار

نورۆەگيالىق ەكى عالىم اركتيكاداعى 1800 شاقىرىم جولدى ءجۇرىپ ءوتتى

9 جەلتوقسان 16:50
:ءبولىسۋ
نورۆەگيالىق ەكى عالىم اركتيكاداعى 1800 شاقىرىم جولدى ءجۇرىپ ءوتتى

نۇر- سۇلتان. قازاقپارات - نورۆەگيالىق بورگە ۋسلاند پەن وار تۋماسى مايك حورننىڭ سولتۇستىك پوليۋسكە جاساعان ەكسپەديتسياسى ءساتتى اياقتالدى، دەپ حابارلايدى قازاقپارات ВВС- گە سىلتەمە جاساپ.

ەكسپەديتسيا قىركۇيەكتىڭ اياعىندا باستالدى. زەرتتەۋشىلەر پوليار تۇنىندە مۇزدىڭ بەتىمەن 1800 شاقىرىم ءجۇرىپ ءوتتى. ەكسپەديتسيانىڭ ماقساتى - اركتيكا مۇزدارىنىڭ ەرۋى تۋرالى اقپاراتتار جيناۋ. عالىمدار بۇل قۇبىلىستى جاھاندىق جىلىنۋمەن بايلانىستىرىپ وتىر.

زەرتتەۋ جۇمىستارى قاراشانىڭ ورتاسىندا اياقتالۋى ءتيىس ەدى، الايدا ۋسلاند پەن حورن اۋا تەمپەراتۋراسىنىڭ قۇبىلۋى مەن جىلجىمالى مۇزدارعا بايلانىستى كەستەدەن قالىپ قويدى.

جۇما كۇنى ولاردىڭ تاماعى ءبىتۋى كەرەك ەدى، ولارعا نورۆەگيالىق زەرتتەۋشىلەر بەنگت روتمو مەن الەكساندر گاممە كومەككە كەلدى. بارلىعى بىرگە «لانس» زەرتتەۋ كەمەسىنە دەيىن جەتتى.

ساپار ۇيىمداستىرۋشىسى لارس ەببەسەن سپۋتنيكتىك بايلانىس ارقىلى ەكى توپپەن دە حابارلاسىپ وتىردى. ول جۇما كۇنى بي- بي- سيگە حورن مەن ۋسلاندتىڭ تىكۇشاقپەن ەۆاكۋاتسيادان باس تارتقانىن، ءبىراق نورۆەگيالىقتارمەن كەزدەسۋگە كەلىسكەنىن مالىمدەدى. ولاردىڭ ازىق- تۇلىگى ءبىتىپ جاتقان، ال جەل كۇننەن كۇنگە كۇشەيە تۇسكەن. داۋىل سالدارىنان بايلانىس ۇزىلسە، ولار اش قالىپ قويۋشى ەدى.

ۋسلاند پەن حورن 23 - قىركۇيەكتە مۇز ۇستىندەگى ساپارىن باستادى. ولارعا -40°Cتان +2°C قا دەيىنگى ارالىقتاعى اۋا تەمپەراتۋراسىنىڭ بىردەن وزگەرۋى كەدەرگى كەلتىرگەن. زەرتتەۋشىلەر بۇعان جاھاندىق جىلىنۋ سەبەپ دەپ تۇجىرىمدايدى.

جىلجىمالى مۇزدار ساياحاتشىلاردى ارتقا قاراي الىپ كەتىپ، ساپاردى ۇزارتىپ جىبەرگەن. كەي جەرلەردە مۇز قاباتى ادەتتەگىدەن جۇقا بولعان. حورن ءبىر رەت سۋعا قۇلاپ كەتىپ، قولى مەن مۇرنىن ءۇستىرىپ العان. حورننىڭ ايتۋىنشا، ەكى زەرتتەۋشى دە قاتتى جۇدەپ، ساياحات كەزىندە شارشاعان.

ۋسلاند – 57، حورن - 53 جاستا. ولار 2006 -جىلى سولتۇستىك پوليۋسكە قىستا مەحانيكالىق كولىكسىز بارعان العاشقى ادامدار بولىپ سانالادى.

فوتو: bbc.com


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات