قازاقستاندا 1800 اسكەري قىزمەتشى ارزان باسپاناعا قول جەتكىزدى
اتالعان باعدارلامانى تۇرعىن ءۇي قۇرىلىس جيناق بانكى («بايتەرەك» حولدينگىنىڭ ەنشىلەس ۇيىمى) بىلتىر ىسكە قوسقان بولاتىن.
بانك جانىنداعى قوعامدىق كەڭەس ءتوراعاسى، بەلگىلى جۋرناليست سەرگەي پونوماريەۆ الماتى، استانا، تاراز جانە سەمەي قالالارىنداعى اسكەري بولىمدەرگە بارىپ، جاڭا تۇرعىن ءۇي باعدارلاماسى بويىنشا نەسيەلەندىرۋ شارتتارىن ءتۇسىندىرىپ، اسكەري قىزمەتشىلەردىڭ ويىن ءبىلىپ قايتتى. شاراعا بانكتىڭ باسقارما ءتورايىمى ءلاززات يبراگيموۆا دا قاتىستى.
«اسكەري بولىمدەرگە جاسالعان ساپار ناتيجەسىندە بانك كليەنتى اتانعان وتان قورعاۋشىلاردىڭ پىكىرلەرى مەن ەسكەرتۋلەرى جينالدى. قولعا تۇسكەن اقپاراتتىڭ ءبارىن بانك باسشىلىعىنا تاپسىردىم جانە الداعى جىلى اسكەري قىزمەتشىلەردىڭ بۇل ۇسىنىستارى ەسكەرىلەدى دەپ ۇمىتتەنەم. بۇگىنگە دەيىن ولارعا 1800 دەن استام جەڭىلدەتىلگەن زاەم بەرىلگەن، ال 300 دەي نەسيە ءوتىنىشىنى قاراستىرىلىپ جاتىر. بانكتىڭ قولداۋى مەن قوعامدىق كەڭەستىڭ باقىلاۋىنىڭ ارقاسىندا اسكەري ماماندار پاتەر جالداۋشىدان باسپانا يەسىنە اينالدى. بۇل يگى ءىس جالعاسىن تابادى دەپ سەنەمىن»، - دەدى سەرگەي پونوماريەۆ.
جاڭا جوبالار مەن اكتسيالاردان بولەك، قوعامدىق كەڭەس مۇشەلەرى بانكپەن بىرىگىپ تۇرعىن ءۇي قۇرىلىس جيناق جۇيەسىنىڭ ەڭ باستى ماقساتىن ەلگە جەتكىزىپ كەلەدى. باسقاشا ايتقاندا، تابىسىنا قاراماستان بارلىق ازاماتتارعا قاراجات جيناپ، كەيىن ءۇي ساتىپ الۋعا نەمەسە سالۋعا ءتيىمدى نەسيە راسىمدەۋ مۇمكىندىگىن بەرۋدى ناسيحاتتاۋدى جالعاستىرىپ وتىر.
«حالىقتىڭ قارجىلىق ساۋاتىنىڭ ءوسۋى قوعامدىق كەڭەسپەن بىرلەسىپ جۇرگىزىلگەن جۇمىستىڭ ناتيجەلى بولعانىن بىلدىرەدى. بۇعان تۇتىنۋدى ەمەس، قاراجات ۇنەمدەپ، اقشا جيناۋدى ءجون كورگەن تۇرعىن ءۇي قۇرىلىس جيناق بانكى سالىمشىلارى سانىنىڭ وسكەنى دالەل. 2018-جىلدىڭ 11 ايىندا بانكتە 347574 جاڭا دەپوزيت اشىلدى. جالپى العاندا، ءبىزدىڭ بانكتە قازىر 1,2 ميلليوننان استام ادام باسپانالى بولامىن دەپ قاراجات جيناپ جاتىر. ولاردىڭ شوتتارىنداعى جالپى جيناق سوماسى 583,3 ميلليارد تەڭگەنى قۇرايدى»، - دەدى «تۇرعىن ءۇي قۇرىلىس جيناق بانكى» ا ق باسقارما ءتورايىمى ءلاززات يبراگيموۆا.
ستاتيستيكا بويىنشا، ءبىر جىلدىڭ ىشىندە بانك اسكەري قىزمەتشىلەرگە قۇنى 28,2 ميلليارد تەڭگە بولاتىن 1845 نەسيە بەرگەن. ونىڭ ىشىندە قورعانىس مينيستىلىگىنە - 11 ميلليارد 071 ميلليون تەڭگە بولاتىن 716 نەسيە، ۇلتتىق قاۋىپسىزدىك كوميتەتى قىزمەتكەرلەرىنە - 3 ميلليارد 615 ميلليون تەڭگە بولاتىن 546 نەسيە، ۇلتتىق ۇلان قىزمەتكەرلەرىنە - 5 ميلليارد 860 ميلليون تەڭگە بولاتىن 427 نەسيە، جانە باسقا دا قىزمەتكەرلەرگە قۇنى 2 ميلليارد 684 ميلليون تەڭگە بولاتىن 156 نەسيە بەرگەن.