سوعىسقا 18 جاسىندا اتتانعان جاۋىنگەر بيىل 97 جاسقا تولادى

قىزىلوردا. قازاقپارات - قىزىلوردا قالاسىندا تۇراتىن ءابدىراحمان بايتىكوۆ جەڭىستىڭ 76 كوكتەمىن قارسى العالى وتىرعان قارت مايدانگەردىڭ ءبىرى.

نەبارى 18 جاسىندا مايدانعا اتتانعان ارداگەر بۇگىندە اعايىننىڭ اقىلشىسىنا اينالدى، دەپ حابارلايدى قازاقپارات ءتىلشىسى.

جاقان سەيسەبايەۆ 1924-جىلى دۇنيەگە كەلگەن. ول كەز قيىن-قىستاۋ اۋىر كەزەڭدى باستان وتكىزدى. سول ۋاقىتتا نەبارى جەتى جىلدىق مەكتەپتى ءبىلىم الۋعا قولى جەتتى. 1942-جىلدىڭ تامىز ايىندا اسكەر قاتارىنا الىندى.

ءابدىراحمان بايتىكوۆ وزبەكستان ارقىلى تۇرىكمەنستاننىڭ اشعابات قالاسىنا اتتاندى. العاش كەلگەن جاس ساربازدار مۇندا قارۋ-جاراقتى بۇزىپ، قايتا جيناۋدى ۇيرەندى. 1943-جىلدىڭ مامىر ايىندا ول 75-گۆارديالىق ديۆيزياعا قابىلداندى. مايدان دالاسىنا اتتاندى.

بۇگىندە توقسان تورتتەگى قارت مايدانگەر سوعىس سالعان جارانى ءالى ۇمىتقان ەمەس. وتان ءۇشىن وت كەشكەن جىلدارداعى كورگەن ءاربىر قيىندىق ەسىندە.

«1943-جىلدىڭ 5- شىلدەسى ەدى. تاڭ الدىندا ءبىزدىڭ ديۆيزياعا نەمىس باسقىنشىلارى شابۋىل جاسادى. گۇرس-گۇرس ەتكەن وقتىڭ داۋسى، اتىس-شابىسقا ەتىمىز ۇيرەنىپ كەتكەن. ودان قورقۋ، قاشۋ جوق. بىزدەگى بار ماقسات - جاۋعا قارسى تۇرىپ، جەڭىسكە جەتۋ. سوعىس كەزىندە ءاربىر جاس ساربازدىڭ بويىندا وسىنداي سەزىم ءجۇردى. ولار تەك مايداندا جەڭىسكە جەتۋدى تىلەدى. ەلگە امان-ەسەن ورالىپ، وتانسۇيگىشتىك قاسيەتىمىزدى بولاشاق ۇرپاققا ماقتان ەتۋ - باستى قاعيدامىز. الايدا، وسى شابۋىلدا قولىمنان جاراقات الىپ، گوسپيتالعا ءتۇستىم. سۇيەگىم امان ەكەن، تەك تامىرلارى قيىلىپ كەتكەن. سودان قولىما وتا جاسالدى»، - دەدى قارت مايدانگەر.

ۋاقىت ءوز دەگەنىن جاسايدى. بۇل سوعىس ادامزاتتىڭ جۇرەگىنە وشپەس جارا سالدى. قانشاما ۇرپاقتى قايعى-قاسىرەتكە دۋشار ەتىپ، ءومىرىن وكسىتىپ كەتتى. گوسپيتالدان شىققان جارالى ساربازدى ءنوۆوسىبىر قالاسىنا جىبەردى.

1943-جىلدىڭ جەلتوقسان ايىندا كوميسسياعا ءتۇسىرىپ، 2-توپ مۇگەدەكتىگىنە بايلانىستى شەشىم شىعارىپ، ەلگە قايتارادى. سوعىس سالعان اۋىر جاراقاتتان 1944-جىلدىڭ باسىندا ەلگە ورالدى. تۋعان جەردە بەيبىت ەڭبەككە ارالاسىپ، الدىڭعى لەكتەن كورىندى.

1965-جىلعا دەيىن اۋىل شارۋاشىلىعى سالاسىندا ەڭبەك ەتتى. ەڭبەك جولىندا ەسەپشى، بريگادير قىزمەتتەرىن اتقاردى.

«ءبىز جەڭىسكە حالىقتار دوستىعىنىڭ بەرىكتىگىمەن جەتتىك. سول ءارقاشان ەسىمىزدە بولۋعا ءتيىس. بۇگىنگى قازاقستاننىڭ تاۋەلسىز مەملەكەت بولعانىنا قۋانامىز. ەلدە تەك بىرلىك بولسىن!»، - دەدى قارت جاۋىنگەر.