قازاقستان حالقىنىڭ سانى 18 ميلليون 917 مىڭنان استى

None
None
نۇر-سۇلتان. قازاقپارات - قازاقستان حالقىنىڭ سانى 18 ميلليون 917 مىڭنان استى.

بۇل تۋرالى ق ر ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسىنان ءمالىم ەتتى، دەپ حابارلايدى قازاقپارات ءتىلشىسى.

«2021-جىلعى 1- ناۋرىزعا ەلىمىزدەگى حالىق سانى 18917,2 مىڭ ادامدى قۇرادى. ونىڭ ىشىندە قالالىقتار - 11187,2 مىڭ (%59,1)، اۋىلدىقتار - 7730,0 مىڭ ادام (%40,9). 2020-جىلعى 1- ناۋرىزبەن سالىستىرعاندا حالىق سانى 245,3 مىڭ ادامعا نەمەسە 1,3 پايىزعا ءوستى»، - دەلىنگەن بيۋرو اقپاراتىندا.

ۆەدومستۆو مالىمەتىنشە، 2021-جىلعى قاڭتار-اقپاندا رەسپۋبليكا حالقىنىڭ تابيعي ءوسىمى 2020-جىلعى قاڭتارمەن سالىستىرعاندا (42,0 مىڭ ادام) 0,2 پايىزعا ارتىپ، 42,1 مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا - 13,71 ادام.

ا ح ا ت ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2021-جىلعى قاڭتار-اقپاندا تۋعاندار سانى 65,7 مىڭ ادامدى قۇرادى.

بۇل 2020-جىلعى قاڭتار-اقپانعا (64,7 مىڭ ادام) قاراعاندا 1,6 پايىزعا كوپ. تۋۋدىڭ جالپى كوەففيتسيەنتى 1000 ادامعا 21,41 تۋعانعا تەڭ. قاراستىرىلىپ وتىرعان كەزەڭدە قايتىس بولعاندار سانى - 23,7 مىڭ ادام.

بۇل 2020-جىلعى قاڭتار- اقپانعا (22,7 مىڭ ادام) قاراعاندا 4,2 پايىزعا كوپ. ءولىم-ءجىتىمنىڭ جالپى كوەففيتسيەنتى 1000 ادامعا 7,70 قايتىس بولعاندى قۇرايدى.

2021-جىلعى قاڭتار-اقپاندا رەسپۋبليكادا 1 جاسقا تولماعان 517 نارەستە شەتىنەگەن.

2020-جىلعى ءتيىستى كەزەڭمەن سالىستىرعاندا ءسابي ءولىمى (583 شەتىنەگەن) 11,3 پايىزعا ازايدى.

سوڭعى جاڭالىقتار