+7 (701) 759 90 19
15 °С : نۇر-سۇلتان
12 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

الەمدە كوروناۆيرۋس جۇقتىرعاندار سانى 18,8 ميلليوننان استى

7 تامىز 11:31
:ءبولىسۋ
الەمدە كوروناۆيرۋس جۇقتىرعاندار سانى 18,8 ميلليوننان استى

پاريج. قازاقپارات - ەۋروپانىڭ بىرنەشە ەلىندە كوروناۆيرۋس جۇقتىرعاندار سانى كۇرت ارتتى.

گەرمانيا بەلگيالىق انتۆەرپەندى قاۋىپ ايماعى دەپ اتادى. پولشانىڭ بىرنەشە اۋدانىندا ماسكا تاعۋ مىندەتتەلدى.

لوس-اندجەلەستە ءتۇرلى ساۋىق كەشتەرىنىڭ ۇيىمداستىرىلۋىن بولدىرماۋ ءۇشىن جارىقتى ءسوندىرىپ تاستايتىن بولعان. الەمدە ىندەتكە شالدىعۋ جاعدايلارىنىڭ سانى 18,8 ميلليوننان استى. كوروناۆيرۋس ىندەتى تاراعالى 708,3 مىڭ ادام كوز جۇمعان. بۇل تۋرالى قازاقپارات BBC اگەنتتىگىنە سىلتەمە جاساپ حابارلايدى.

ەۋروپانىڭ بىرنەشە ەلىندە، ونىڭ ىشىندە فرانسيادا، يسپانيا مەن گەرمانيادا كوروناۆيرۋس جۇقتىرۋدىڭ جاڭا جاعدايلارى كوبەيىپ كەتتى. ماماندار دەمالىس كەزەڭى ەپيدەميانىڭ ەكىنشى تولقىنىنا اكەلۋى مۇمكىن دەپ قاۋىپتەنەدى.

فرانسيادا ءبىر تاۋلىكتە ىندەتكە شالدىعۋدىڭ 1695 جاڭا وقيعاسى انىقتالدى. بۇل - سوڭعى ەكى اي ىشىندەگى ەڭ جوعارعى كورسەتكىش.

ىندەت تاراعالى ەلدە 228,5 مىڭ ادام اۋىرعان. فرانسيا ىندەتتەن قايتىس بولعانداردىڭ سانى بويىنشا ەۋروپادا بريتانيا مەن يتاليادان كەيىنگى ءۇشىنشى ورىنعا شىقتى.

ماۋسىم ايىندا كارانتين شارالارى جەڭىلدەتىلە باستاعان يسپانيادا 24 ساعات ىشىندە 1772 ادامنىڭ Covid-19-عا تاپسىرعان تەستى وڭ ناتيجە كورسەتكەن.

ەلدە بارلىعى 305,7 مىڭ اۋرۋ جۇقتىرۋ جاعدايى انىقتالعان. شۆەيتساريا يسپانيادان كەلگەندەر ءۇشىن مىندەتتى ەكى اپتالىق وقشاۋلاۋ رەجيمىن ەنگىزدى. گەرمانيادا سانيتارلىق-ەپيدەميالوگيالىق قاداعالاۋ قىزمەتى ءىرى بەلگيالىق انتۆەرپەن قالاسىن قاۋىپ ايماعى دەپ اتادى.

سوندىقتان دا وسى قالادان كەلگەندەردىڭ بارلىعى وقشاۋلانۋى كەرەك. سونداي-اق روبەرت كوح ينستيتۋتى ءۇش ايدان بەرگى ءبىر تاۋلىك ىشىندەگى ەڭ كوپ اۋرۋ جۇقتىرۋ كورسەتكىشىن تىركەدى. مۇندا ءبىر تاۋلىكتە 1045 ادام كوروناۆيرۋسقا شالدىققان.

7- مامىردان بەرى العاش رەت تاۋلىكتىك كورسەتكىش مىڭنان استى. پولشانىڭ كەيبىر اۋداندارىندا نەگىزىنەن ەلدىڭ وڭتۇستىگىندە جانە شىعىسىندا، ماسكا تاعۋ قايتادان مىندەتتەلدى، دەپ مالىمدەدى ەلدىڭ دەنساۋلىق ساقتاۋ ءمينيسترى لۋكاش شۋموۆسكي.

ونىڭ ايتۋىنشا، Covid-19 جۇقتىرعاندار سانىنىڭ وسۋىنە بايلانىستى شەكتەۋلەر اۋرۋ دەڭگەيى ەڭ جوعارى 19 اكىمشىلىك بىرلىككە قاتىستى بولماق.

لوس-اندجەلەستە ىندەتپەن كۇرەسۋدىڭ ەرەكشە جولىن ويلاپ تاپتى. قالا مەرى ەريك گارسەتتي ءوزىنىڭ اكىمشىلىگىنە جۇما كۇنىنەن باستاپ ساۋىق كەشى وتەتىن ورىنداردا ەلەكتر قۋاتى مەن سۋدى وشىرۋگە رۇقسات بەردى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات