وزبەكستاندا 18 جاستان اسقانداردىڭ 80 پايىزعا جۋىعى كوروناۆيرۋسقا قارسى ۆاكسينانىڭ ءبىرىنشى دوزاسىن الدى
ءو ر دەنساۋلىق ساقتاۋ مينيسترلىگنىڭ مالىمەتى بويىنشا بۇگىنگى تاڭدا ەلدە ۆاكسينانىڭ 32803308 دوزاسى پايدالانىلدى، سونىڭ ىشىندە 17098127 ادام ءبىرىنشى دوزا السا، ەكىنشى جانە ءۇشىنشى (قىتاي مەن وزبەكستان بىرلەسىپ شىعارعان ZF- UZ- VAC2001 ۆاكسيناسىنىڭ ءۇش دوزاسى سالىنادى) كومپونەنتىمەن تيىسىنشە 10360453 جانە 5344728 وزبەكستاندىق ەگىلگەن.
«ءبىرىنشى دوزا العاندار كورسەتكىشى ەلدىڭ ەكپە سالدىراتىن ەرەسەك حالقىنىڭ 79,7 پروتسەنتىن قۇرايدى»، - دەپ حابارلادى ءو ر دەنساۋلىق ساقتاۋ مينيسترلىگىنەن.
ەسكە سالا كەتەيىك، وزبەكستاندا ەكپە سالدىرۋ ناۋقانى 1- ساۋىردە باستالدى. ۆاكسيناتسيا بارىسىندا التى پرەپارات قولدانىلۋدا: AstraZeneca، ZF- UZ- VAC2001، «سپۋتنيك- V» ، Moderna، Pfizer جانە Sinovac.
رەسپۋبليكادا 3- تامىزدا جۇمىس ىستەيتىن حالىقتى مندەتتى ۆاكسينالاۋ تۋرالى زاڭ قابىلداندى.