قازاقستان حالقىنىڭ سانى 18 ميلليون 785 مىڭ ادامعا جەتتى

نۇر- سۇلتان. قازاقپارات - بيىل قىركۇيەكتە قازاقستان حالقىنىڭ سانى 18 ميلليون 785 مىڭ ادامعا جەتتى. بۇل تۋرالى ق ر ۇ ە م ستاتيستيكا كوميتەتىنەن ءمالىم ەتتى، دەپ حابارلايدى قازاقپارات ءتىلشىسى.

«2020 -جىلعى 1 - قىركۇيەككە ەلىمىزدەگى حالىق سانى 18 ميلليون 785 مىڭ ادامدى قۇرادى. ونىڭ ىشىندە قالالىقتار - 11066,2 مىڭ (58,9 پايىز)، اۋىلدىقتار - 7718,8 مىڭ ادام (41,1 پايىز)»، - دەلىنگەن تاراتىلعان اقپاراتتا.

كوميتەت مالىمەتىنشە، بىلتىرعى جىلعى 1- قىركۇيەكپەن سالىستىرعاندا حالىق سانى 237,5 مىڭ ادامعا نەمەسە 1,3 پايىزعا ءوستى. ەڭ كوپ جالپى ءوسىم ەلىمىزدىڭ 3 وڭىرىندە:

الماتى (63,1 مىڭ ادام)، نۇر- سۇلتان (50,0 مىڭ ادام) جانە شىمكەنت (31,8 مىڭ ادام) قالالارىندا بولدى.

اۆتور: مارلان جيەمباي