قازاقستانداعى حالىق سانى 18,5 ميلليون ادامعا جەتتى

نۇر- سۇلتان. قازاقپارات - 2019 - جىلدىڭ 1 - شىلدە ايىندا قازاقستاندا حالىق سانى 18 ميلليون 507,9 مىڭ ادام بولدى. بۇل وتكەن جىلدىڭ 1 - ماۋسىمىمەن سالىستىرعاندا 235,5 مىڭ ادامعا كوپ نەمەسە 1,3 پايىزعا وسكەن،

دەپ حابارلايدى قازاقپارات ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنە سىلتەمە جاساپ.

اتاپ ايتقاندا، ەسەپتىك كەزەڭدە قالا تۇرعىندارىنىڭ سانى 10 ميلليون 816,6 مىڭ ادام نەمەسە % 58,2، ال اۋىل حالقىنىڭ سانى 7 ميلليون 726,3 مىڭ ادام نەمەسە % 41,8 بولدى.

وسى جىلدىڭ قاڭتار- ماۋسىم ايلارىندا وتكەن جىلدىڭ قاڭتار- ماۋسىم ايلارىمەن سالىستىرعاندا قازاقستانعا قونىس اۋدارعاندار سانى % 11,3 ازايعان، ال ەلدەن كەتكەندەر سانى % 16,9 ارتتى. ەلدىڭ نەگىزگى ميگراتسيالىق كوشى- قون ت م د ەلدەرىنە تيەسىلى. تمد ەلدەرىنەن كەلگەندەردىڭ ۇلەسى % 82 جانە اتالعان مەملەكەتتەرگە كەتكەندەر سانى % 90,6 بولدى.

ەلدىڭ اۋماعىندا قونىس اۋدارعاندار سانى % 22,7 ارتتى. ءوڭىرارالىق قونىس اۋدارۋ بويىنشا حالىق ميگراتسياسىنىڭ وڭ سالدوسى ەلدىڭ ءتورت وڭىرىنە كەلدى. ولاردىڭ قاتارىندا ماڭعىستاۋ وبلىسىندا (556 ادام) جانە شىمكەنت (3 710)، الماتى (13650)، نۇر- سۇلتان (14104) قالالارى بار.