+7 (701) 759 90 19 Лента
4 °С : استانا
15 °С : الماتى
USD 378.90 EUR 422.74
RUB 5.87 CNY 54.80
جاڭالىقتار

قازاقستان حالقى 18,44 ميلليون ادامعا جەتتى

15 مامىر 14:43 266
:ءبولىسۋ
قازاقستان حالقى 18,44 ميلليون ادامعا جەتتى

نۇر-سۇلتان. قازاقپارات - 2019-جىلدىڭ 1- ساۋىرىندە قازاقستان حالقىنىڭ سانى 18 ميلليون 448,6 مىڭ ادامعا جەتىپ، وتكەن جىلدىڭ 1- ساۋىرىنە قاراعاندا 238,8 مىڭ ادامعا نەمەسە 1,3 پايىزعا ارتتى، دەپ حابارلايدى قازاقپارات.

ق ر ۇ ە م ستاتيستيكا كوميتەتىنىڭ دەرەگىنشە، قالا تۇرعىندارىنىڭ سانى 10 ميلليون 734,2 مىڭ ادامدى نەمەسە جالپى حالىق سانىنىڭ 58,2 پايىزىن، ال اۋىل تۇرعىندارى 7 ميلليون 714,47 مىڭ ادامدى نەمەسە 41,8 پايىزدى قۇرايدى.

قاڭتار-ناۋرىزدا رەسپۋبليكادا 1 جاسقا تولماعان 856 ءسابيدىڭ شەتىنەۋى تىركەلگەن. 2018-جىلدىڭ ءدال وسىنداي كەزەڭىمەن سالىستىرعاندا 1 جاسقا دەيىنگى سابيلەردىڭ ءولىم-ءجىتىمى 4,4 پايىزعا ارتىپ وتىر. 2019-جىلدىڭ قاڭتار-ناۋرىزىندا ءسابي ءولىمىنىڭ كوەففيتسيەنتى 1000 دۇنيەگە كەلگەن بالاعا شاققاندا 9,31 وقيعا بولدى.

ءسابي ءولىم-ءجىتىمىنىڭ نەگىزگى سەبەبى پەريناتالدىق كەزەڭدە پايدا بولعان جاعداي سانالادى. ونىڭ سالدارىنان قاڭتاردا 447 بالا شەتىنەدى. تۋا بىتكەن اۋىتقۋدان 164، تىنىس الۋ مۇشەلەرى اۋرۋىنان 72، توتەنشە جاعدايلاردان 24 بالا كوز جۇمدى.

وسى جىلدىڭ قاڭتار-ناۋرىزىندا وتكەن جىلدىڭ وسى كەزەڭىمەن سالىستىرعاندا، قازاقستانعا كەلۋشىلەردىڭ سانى 8,4 پايىزعا ازايىپ، كەتۋشىلەردىڭ سانى 22 پايىزعا ارتتى. نەگىزگى ميگراتسيالىق الماسۋلار ت م د ەلدەرىنە تيەسىلى. ت م د ەلدەرىنەن كەلگەندەردىڭ ۇلەسى 84,5 پايىزدى جانە اتالعان مەملەكەتتەرگە كەتكەندەر سانى 89,1 پايىز بولدى.

ەل اۋماعىنان تىسقارى كەتكەن ميگرانتتار سانى 14,1 پايىزعا ارتتى. ءوڭىرارالىق قونىس اۋدارۋدا كوشى-قوننىڭ وڭ سالدوسى ماڭعىستاۋ وبلىسىندا (369 ادام) جانە نۇر-سۇلتان (6089) مەن الماتى (6559) قالالارىندا تىركەلگەن.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات