قازاقستان حالقى 18,35 ميلليون ادامنان استى

استانا. قازاقپارات - قازاقستاندا ەل حالقىنىڭ سانى 2018-جىلدىڭ 1- قاراشاسىندا 18 ميلليون 256,9 مىڭ ادامعا جەتىپ، 2017-جىلدىڭ 1- قاراشاسىمەن سالىستىرعاندا 239,2 مىڭ ادامعا نەمەسە 1,3 پايىزعا كوبەيدى، دەپ حابارلايدى قازاقپارات ءتىلشىسى ق ر ۇ ە م ستاتيستيكا كوميتەتىنە سىلتەمە جاساپ.

اتاپ ايتقاندا، ەسەپتى كەزەڭدە قالا حالقىنىڭ سانى 10 ميلليون 312,8 مىڭ ادامدى نەمەسە جالپى حالىق سانىنىڭ 57,8 پايىزىن، ال اۋىل حالقى 7 ميلليون 744 مىڭ ادامدى نەمەسە 42,2 پايىزدى قۇراعان.

اعىمداعى جىلدىڭ قاڭتار-قازانىندا رەسپۋبليكادا 1 جاسقا تولماعان 2610 ءسابي شەتىنەگەن. 2017-جىلدىڭ وسىنداي كەزەڭىمەن سالىستىرعاندا 1 جاسقا تولماعان بالالاردىڭ شەتىنەۋى 1,3 پايىزدى قۇراعان. 2018-جىلدىڭ ون ايىندا 1000 سابيگە شاققاندا شەتىنەۋ كورسەتكىشى 7,81 وقيعانى قۇرايدى.

2018-جىلدىڭ قاڭتار-قازانىندا وتكەن جىلدىڭ ءدال وسىنداي كەزەڭىمەن سالىستىرعاندا قازاقستانعا كەلۋشىلەردىڭ سانى 22,6 پايىزعا قىسقارىپ، ەل اۋماعىنان كەتكەندەر سانى 12,2 پايىزعا ارتقان. ەلدىڭ نەگىزگى كوشى-قون اينالىمى ت م د مەملەكەتتەرىن قامتيدى. ت م د ەلدەرىنەن كەلگەن جانە وسى ەلدەرگە كەتكەندەردىڭ ۇلەسى 78,4 جانە سايكەسىنشە 90,6 پايىزدى قۇرادى.